नयाँ बोक्साबोक्सी तथा धामीझाक्रीले तन्त्रबिद्या सिद्ध गर्ने भूत मेला धनुषा र सिराहाको दक्षिणी सिमामा सुरु भएको छ।
धनुषा र सिराहा जिल्लाको दक्षिणी सीमा क्षेत्रमा अनौठो परम्परागत भूत मेला कार्तिक २८ गते बिहानदेखि सुरु भएको यो वार्षिक मेलामा नयाँ बोक्साबोक्सी तन्त्रबिद्या सिद्ध गर्न आउने गर्छन् । उनीहरु अघिल्लो दिन बेलुकादेखि नै देउता खेलिरहेका छन् ।
तन्त्र सिद्ध गर्न यहाँ आउने बोक्साबोक्सी र धामीझाक्रीले कमलानदीमा स्नान गरी फूल, अक्षता, ल्वाङ, सुपारीले कमलामाईको पूजा गर्ने परम्परा छ । त्यसबेला उनीहरु भूत खेल्ने नाममा जगल्टा फिजाउने, कपडा च्यात्ने, नाच्ने, उफ्रने, मनपरी बोल्ने र बेहोस हुने गर्छन् । यो भूत मेलामा धनुषा, महोत्तरी, सिरहा र सप्तरी जिल्लासँगै र भारतको मधुबनी, दरभंगा, सीतामढीसम्मका मानिसहरु आउने गर्छन् । त्यहाँसम्म पुग्ने एक मात्र यातायातको साधन रेल कार्तिक २६ गते दुर्घटनाग्रस्त भएका कारण समस्या परेको दर्शनार्थीहरुले बताएका छन् । -अजित तिवारी
bigreko deshko bhatkeko chhala bhaneko yehi ho, nepaliko budhhi ??? non sence !!!!!!!!!!!!!
ReplyDelete