(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20111221

झन्डावाल सरकारी गाडी लिएर मन्त्री बिहानै नुहाउन जान्छन् अनि दिउँसो सुकेको कट्टु उठाउन पनि सरकारी गाडीमै पँधेरामा पुग्छन् !

झन्डावाल सरकारी गाडी लिएर मन्त्री बिहानै नुहाउन जान्छन् अनि दिउँसो सुकेको कट्टु उठाउन पनि सरकारी गाडीमै पँधेरामा पुग्छन् भन्ने कुरा थाहा पाउँदा यो साता सिन्धुलीवासीले आश्चर्य माने । प्रसंग सिन्धुली घर भई मोरङको ८ नम्बर क्षेत्रबाट संविधानसभामा निर्वाचित युवा तथा खेलकुदराज्यमन्त्री गोपी अछामीको हो । मन्त्री भएपछि सिन्धुलीतिर झन्डावाल गाडीमा बाक्लै देखिने गरेका राज्यमन्त्री अछामीले यसपालि जिल्लामा निकै रमाइलो गरे । मंसिर २९ गते पुरानो झाँगाझोलीमा दाहालको देवालीमा निम्ता मान्न पुगेका राज्यमन्त्री अछामीका साथमा प्रचण्डपक्षीय माओवादी जिल्ला इन्चार्ज वसन्त माझी र सर्वोच्चले जन्मकैदसहित
सर्वस्वहरणको फैसला सुनाएका सभासद् बालकृष्ण ढुंगेलसमेत थिए । मन्त्री अछामीले ढुंगेललाई काठमाडौंबाटै गाडीमा लिएर गएका थिए । उनीहरू सह-इन्चार्ज राजन दाहालको निम्तामा उनैका घरमा पुगेका थिए । पुस १ गते बिहान मन्त्री अछामी सरकारी गाडीमा सभासद् ढुंगेल र अन्य गाउँका कार्यकर्तासमेत हालेर तीन किमि तल पर्ने मूलकोट बेंसीमा नुहाउन झरे । मन्त्रीको समूह जापानी बाथरुमको तातोपानीमा नुहाइ-धुवाइ सकेर चियापानपछि झन्डावाल गाडी धुलो उडाउँदै गाउँतिरै फर्कियो । गाउँमा खाना खाएपछि अपराह्न मन्त्रीको गाडी फेरि मूलकोट झर्‍यो । उनीहरू गाडीसहित क्याम्पमा छिरेर त्यहाँ एकछिन पनि नरोकिई नुहाएर सुकाइएका कट्टु र गन्जी टिपेर रातमाटातिर हुइँकिए । एकपटक नुहाउन र अर्कोपटक कट्टु उठाउन मन्त्री आफैँ आएको देखेपछि स्थानीयवासीले उदेक मानेका थिए ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक