(संसारका १७५ देशमा पढिने, फोहोरी राजनीति
र छाडापनबाट
पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20120413

देश विखण्डन हुने गरी राज्य पुनःसंरचना गरिए अब बन्ने संविधानमा हस्ताक्षर नगर्ने राष्ट्रपति डा. रामवरण यादवको चेतावनी

राष्ट्रपति रामबरण यादवले संघीयतामा जांदा, उनकै भनाइमा, देश विखण्डन हुने खालको गंध आएमा त्यो आफ्नो हातबाट जारी नहुने बताएका छन्। दलहरुले शान्ति प्रक्रियाका मुख्य विषयहरु लगभग टुंग्याई संविधान निर्माण तिर ध्यान केन्द्रित गर्न लागेका बेला राष्ट्रपतिले जथाभावी राज्य पुनर्संरचना नगर्न दलहरुलाई सचेत पनि गराए। राष्ट्रपति रामबरण यादवले प्राय: नियमित जसो दलका नेताहरुलाई कहिले भेटेर, त कहिले सार्वजनिक रुपमै सचेत गराँउदै आएका थिए। " म तपाइहरुलाई यो विश्वfस दिलाउन चाहन्छु कि देशको विखण्डनको केहि मैले गंध पाए भने त्यो मेरो हातले हुंदैन" तर आफ्नो पछिल्लो अभिव्यक्तिमा उनले प्रष्टरुपमा आफनो संवैधानिक हैसियत प्रयोग गर्न सक्ने संकेत गरे। काभ्रेमा शुक्रबार एक शक्तिपीठको उदघाटन कार्यक्रमा बोल्दै राष्ट्रपति रामबरण यादवले भने, “म तपाइहरुलाई यो विश्वास दिलाउन चाहन्छु कि देशको विखण्डनको केहि मैले गंध पाए भने त्यो मेरो हातले हुंदैन।” संविधान जारी गर्न राष्ट्रध्यक्षको भूमिका रहने उल्लेख गर्दै राष्ट्रपतिले सबैलाई मिलेर काम गर्न सल्लाह पनि दिए। उनले जातीय तथा भाषिक अकांक्षालाई सम्बोधन गर्दा देशको एकता र अखण्डता प्रति पनि संवेदनशील हुनु पर्ने तर्फ दलहरुको ध्यान तान्ने प्रयास गरेका थिए। राष्ट्रपतिले यादवले भने, “संविधान चाहिं
राष्ट्राध्यक्ष मार्फत घोषणा हुन्छ।” राष्ट्रपतिले आम जनतालाई दलहरु माथि दबाब सृजना गर्न पनि आग्रह गरे। दलहरुसंग आफुले समन्वय गरिरहेको उल्लेख गर्दै उनले देशको हितलाई सर्वपरि राख्नुपर्नेमा जोड दिए। संविधानको बारेमा संवैधानिक राष्ट्राध्यक्षको शुक्रबारको अभिव्यक्ति शायद अहिलसम्मकै सबैभन्दा कडा थियो। काठमाण्डूस्थित हाम्रा संवाददाता भन्छन्, संघीयता बारेको बहसमा राष्ट्राध्यक्षको पछिल्लो अभिव्यक्तिको कस्तो प्रभाव पर्ने छ भन्ने चाहिं हेर्न बांकी नै छ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक