(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20140404

आफूहरुलाई अन्तराष्ट्रिय अदालतमा पुर्‍याएर कारबाही गर्ने षड्यन्त्र भइरहेको भन्दै प्रचण्डले दिए अदालतलाई चेतावनी !

एकीकृत नेकपा माओवादीका अध्यक्ष प्रचण्डले द्वन्द्वकालका मुद्दाहरुमा ‘सुपर पावर’ प्रयोग नगर्न अदालतलाई चेतावनी दिएका छन् । सत्यनिरुपण तथा मेलमिलाप र वेपत्ता छानविन आयोग बनाउने कुरामा अलिकति पनि गल्ती गर्‍यो भने संविधान निर्माण प्रक्रिया प्रभावित हुने र संविधानसभाबाट संविधान नै नबन्ने ग्यारेन्टी हुने खतरा रहेको उनले बताए । शुक्रबार कीर्तिपुरमा अखिल क्रान्तिकारीको १९ औं राष्ट्रिय अधिवेशनको उद्घाटन गर्दै प्रचण्डले चेतावनी पूर्ण भाषामा भने-’हाम्रा अदालतहरुले देउताको अदालत जस्तो बनेर काम गर्न थाले भने यो देश फेरि एउटा ठूलो द्वन्द्वमा जाने खतरा छ ।’ अदालत, सरकार, राजनीतिक पार्टी सबै १२ बुँदे समझदारी, अन्तरिम संविधान, शान्ति सम्झौताद्वारा निर्देशित रहेको भन्दै उनले भने-’यदि त्यो भन्दा बाहिर गएर कसैले निर्णय गर्न खोज्यो । कोही राजनीतिक नेतृत्वले त्यसो गर्न खोज्यो वा कुनै अदालतले त्यस्तो सुपर पावर प्रयोग गर्न खोज्यो वा कुनै तत्वले खोज्यो भने नेपाली समाज निकै ठूलो द्वन्द्वमा जाने खतरा छ ।’ आफूहरुलाई अन्तराष्ट्रिय अदालतमा पुर्‍याएर कारबाही गर्ने षड्यन्त्र भइरहेको भन्दै उनले भने-’हिजो माओवादी आन्दोलनका नेताहरुको टाउकोको मूल्य तोक्ने मान्छेहरु अहिले पनि टाउकै खोजिरहेका छन् । टाउको काट्न खोजेका छन् यो कुरा हामीले बिर्सियौं भने इतिहासमा हामीबाट ठूलो भूल हुने खतरा छ ।’ संख्यात्मक रुपमा कम भएपनि आफूहरु संविधान निर्माणमा प्रतिवद्ध रहेको उनले बताए । मजदुर, किसन,
महिला, मधेसीसँगको सम्वन्ध कमजोर भएको स्वीकार गर्दै माओवादी अध्यक्ष प्रचण्डले भने-’हामी अलिकति फटाहहरुसँग दलालहरुसँग नोकरशाहहरुसँग समान्तहरुसँग उठबस हिडडुल गर्दा हामी सिंहको बच्चा भएपनि विस्तारै भेडो जस्तो भयौं । गम्भीर गल्ती भयो ।’ प्रचण्डले यसो भनिरहँदा समारोहमा सहभागीहरुले ताली पिटेका थिए । अध्यक्ष भएका नाताले आफूले जिम्मेवारी लिने भन्दै उनले केन्द्रीय कार्यलयका नेताहरुले पनि सोपानक्रम अनुसार जिम्मा लिनु पर्ने बताए ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक