(संसारका १७५ देशमा पढिने, फोहोरी राजनीति
र छाडापनबाट
पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20101115

राजा घलेको सँयोजन, साहित्यकार ज्ञानेन्द्र गदालको प्रमुख आतिथ्यमा  अमेरिकाको एट्लाण्टामा पहिलोचोटि सरस्वति पूजा

 एट्लाण्टा ,जर्जिया / वशन्त पंचामिको पावन अवसरमा अमेरिकाको एट्लाण्टामा पहिलोचोटि सरस्वति पूजा सहित साहित्यिक एवं सांस्कृतिक कार्यक्रम सम्पन्न गरियो | अनेसास जर्जिया च्याप्टर तथा नासा (NASeA) साहित्यिक विभागको संयुक्त आयोजनामा सम्पन्न उक्त कार्यक्रमको संयोजन अमेरिकाका लागि नेपाल सरकारका पर्यटकिय सद्भावना दूत राजा घलेले गर्नुभएको थियो | अनेसास जर्जिया च्याप्टरका अध्यक्ष चेतनाथ घिमिरेको सभापतित्वमा संचालित उक्त कार्यक्रममा कोलोराडोबाट आउनुभएका साहित्यकार ज्ञानेन्द्र गदाल प्रमुख अतिथि रहनुभएको थियो | साँझ ६ बजे शुरु भएको सो कार्यक्रममा स्थानीय कलाकार, साहित्यकार हरुको सिर्जना प्रस्तुति सहित कवि एवं गीतकार ज्ञानेन्द्र गदालको करिव एक घण्टा एकल कृतिवाचन कार्यक्रम रहेको थियो | प्रमुख अतिथिबाट पानसमा वत्ति बाली सरस्वतीको मूर्तिमा फूल चडाइ शुरु गरिएको कार्यक्रमको प्रारम्भमा NASeA को बोर्ड मेम्बर समेत रहनुभएकी शिक्षासेवी नमिता घिमिरेले सरस्वति वन्दना पाठ गर्नुभएको थियो | त्यसपछि कार्यक्रमका संयोजक राजा घलेले उपस्थित सबैलाई स्वागत गर्दै कार्यक्रमको औचित्यमाथि प्रकाश पार्नुभयो | आयोजक संस्था NASeA को तर्फबाट NASeA साहित्य विभागकी संयोजक डा. विनिता केसीले आफ्नो छोटो मन्तव्य सहित कविता वाचन गर्नुभयो | त्यसपछि NASeA एवं अनेसास जर्जियाकि उपाधक्ष्य अमिका लोहनीले यस्तो किसिमको कार्यक्रम अट्लनटामा पहिलो भएको र यसलाई अब मासिक रुपमा निरन्तरता दिने हौसला यस कार्यक्रमले बढाएको कुरा बताउनुभयो | स्थानिय कलाकार किरण मानिके र डा. सुदिप श्रेष्ठको मिठो गीतको प्रस्तुति पछि मुख्य कार्यक्रम गीतकार एवं कवि ज्ञानेन्द्र गदालको एकल कृतिवाचन शुरु गरियो | सरस्वति पूजाको महत्वको अलिकति चर्चा गर्दै सानैदेखि यसबाट प्रभावित हामीले नेपाली भाषा, साहित्य र संस्कृतिको जगेर्ना गर्न यस्ता कार्यक्रमहरुले सहयोग पुर्याउने कुरामा जोड दिंदै अट्लनटामा पनि यसले अबदेखि निरन्तरता पाउनेमा विश्वास व्यक्त गर्नुभयो | छोटो मन्तव्यपछि केहि राष्ट्रिय भावनाका, केहि माया-प्रेमका र केहि जीवन दर्शनका एक दर्जन गीत, गजल र कविताहरु वाचन गर्नुभयो | स्थानिय व्यक्तित्वहरु, वालबालिकाहरुको वाक्लो उपस्थिति रहेको उक्त कार्यक्रममा चाख लिएर कविता सुन्ने र मनन गर्ने धैर्यता सबैमा देखिन्थ्यो | नमिता घिमिरे, अमिका लोहनी र विद्या गुरुङको सहयोगमा प्रमुख अतिथिको हातबाट उपस्थित वालबालिकालाई कापी, पेन्सिल तथा केहि पाठ्यसामाग्री वितरण समेत गरियो | त्यसपछि कार्यक्रमका सभापति, NASeA कि उपाध्यक्ष्य, साहित्य समिति NASeA कि प्रमुखको सहभागितामा पर्यटनदुत राजा घलेले प्रमुख अतिथि ज्ञानेन्द्र गदाललाई सम्मान गर्दै मायाको चिनो प्रदान गर्नुभयो | कार्यक्रमको अन्तमा सभापति चेतनाथ घिमिरेले उपस्थित सबै महानुभावहरुलाई धन्यवाद दिंदै ज्ञानेन्द्र गदालको गीत, गजल, कविताहरुको समिक्षा गर्दै यस्तो ओजपूर्ण सिर्जनाले स्थानीय आट्लनटावासीलाई साहित्यिक गतिविधिमा लाग्न प्रेरणा मिलेको र अव यस्ता कार्यक्रमहरुलाई निरन्तरता दिने प्रतिवद्धता समेत जाहेर गर्नुभयो | कार्यक्रममा प्रत्यक्ष सहयोग गर्ने स्थानीय महानुभाव र सहभागी कविहरुलाई प्रशंशापत्र समेत प्रदान गर्नुभयो | अनेसास जर्जिया च्याप्टरका महासचिव किरण मानिकेद्वारा संचालन गरिएको उक्त कार्यक्रम जर्जिया स्थित Himalayan Spice नामक नेपाली Restaurant मा सम्पन्न भएको थियो |
*************************************************



Prashanti Digital Presents :- New Lok Dohori : Aama Song:- New Lok Dohori Aama Vocal:- Bimalraj Chhetri & Ritu Thapa Lyrics:- Goma Adikari [Limbu] Music:- Bimalraj Chhetri Audio/video:- Prashanti Digital 9851006530 Director:- Kumar k.c Cinematographer:- Ajay regmi Editor:- Prabin Bhatta Model:- Bidya karki/ Bhim Ale /Sonam Magar
Post Production:-Prashanti Digital Digital 9851006530
********************
साहित्यकार गोवर्द्धन पूजालाई 'राजमित्र स्मृति प्रज्ञा पुरस्कार' प्रदान गरिने






Nepal Live


अमेरिका- साहित्यकार गोवर्द्धन पूजालाई 'राजमित्र स्मृति प्रज्ञा पुरस्कार' प्रदान गरिने भएको छ। साहित्यकार सुशील नेपालले मातापिताको नाममा स्थापना गरेको सो पुरस्कार अन्तर्राष्ट्रिय नेपाली साहित्य समाज बोस्टन च्याप्टरले प्रदान गर्ने भएको हो।
पुरस्कारको राशी दुई सय पचास अमेरिकी डलर रहेको छ। उक्त पुरस्कार अमेरिकाको बोस्टनलाई कार्यक्षेत्र बनाई साहित्यिक सिर्जना गर्ने र सिर्जना गर्न उत्प्रेरित गर्ने साहित्यकारलाई प्रदान गर्ने गरिएको छ। यसअघि साहित्यकार भारती गौतम र दिनेश राजभण्डारीले सो पुरस्कार पाइसकेका छन्।
अन्तर्राष्ट्रिय नेपाली साहित्य समाजका केन्द्रित महासचिव रहेका गोवर्द्धन पूजा अमेरिकामा रहेर नेपाली साहित्यमा योगदान पुर्‍याइरहेका छन्। उनका पीडा अवतार, वाचाल ओठहरू, प्रेम अवतार, अनामनगरकी अम्बिका लगायत कवितासंग्रह सहित कथा, गज़ल, उपन्यास विधाका नौ कृति प्रकाशित छन्| 

अनेसास बोस्टन च्याप्टरका अध्यक्ष लालगोपाल सुवेदी, पूर्वअध्यक्ष हरिप्रसाद काफ्ले र दिनेश राजभण्डारीको त्रिसदस्यीय निर्णायक समितिले पुरस्कारको निर्णय गरेको हो। पुरस्कार आगामी महिना बोस्टनमा आयोजना गरिने कार्यक्रममा प्रदान गरिनेछ।
न्यूह्यामसायरमा देवकोटा जयन्ती सम्पन्न
 
- ईश्वरी भट्ट
 अन्तर्राष्ट्रिय नेपाली साहित्य समाज न्यूह्यामसायर च्याप्टरले महाकवि  लक्ष्मीप्रसाद देबकोटाको १०९औं जन्म जयन्ती  तथा संस्थाको चौथो बार्षिक साधारण सभा विविध कार्यक्रम आयोजना गरि मनाएको छ । कार्यक्रम पुरानो  कार्य समितिको बिदाइ र नयाकार्य समितिको सपथ ग्रहण तथा अन्य बिबिध कार्यक्रम सहित सम्पन्न भएको छ । 

बरिष्ठ साहित्यकार केदारनाथ खनालकोको प्रमुख आतिथ्य तथा अन्तर्राष्ट्रिय नेपाली साहित्य समाजका माहासचिब गोवर्धन पूजाको विशेष आतिथ्यमा  सम्पन्न कार्यक्रमको दुई चरणको कार्यक्रमको सभापतित्व क्रमश: च्याप्टरका निवर्तमान अध्यक्ष अग्नि प्रसाद पराजुली र  नव निर्वाचित अध्यक्ष कृष्ण गिरीले गर्नु भएको थियो |  च्याप्टरका प्रधान सम्पादक ईश्वरी भट्ट द्वारा संचालित उक्त कार्यक्रममा च्याप्टरका च्याप्टरको वार्षिक प्रतिवेदन तथा आर्थिक प्रतिवेदन पेश गरिएको थियो |
महाकवि  देवकोटाको तस्वीरमा माल्यार्पण गरि सुरू भएको
उक्त कार्यक्रममा कृष्णकुमार गिरी, निगम रिमाल, कृष्णप्रसाद कडरिया, तुलसी आचार्य, लालगोपाल सुवेदी, अग्नी पराजुली, हरिमॉया अधिकारी, ईश्वरी भट्ट, रामचन्द्र भण्डारी, कृष्णमाया सुवेदी, इन्दिरा दंगाल, दीपा राई पुन, अनु शाह, डा. पुष्प जोशी, पुरानाघरेलगायतले कविता वाचन गरेका थिए |
प्रमुख अतिथि केदारनाथ खनाल र विशेष अतिथि केन्द्रीय महासचिव गोवर्धन पूजाले शुभकामना मन्तव्य दिनु भएको उक्त कार्यक्रममा  आमा समुहले भजन, वालिका  अन्या बैध्यले नृत्य, स्तुति खतिवडाले गीत, प्रेमसागर खतिवडाले हार्मोनियम बजाएर कार्यक्रमलाई प्रभाबकारी बनाउनु भएको थियो |
कार्यक्रममा सफत ग्रहण गरेको कृष्णकुमार गिरीको अध्यक्षतामा गठित ११ सदस्यीय नयाँ कार्यसमितिमा हरिमाया अधिकारी (उपाध्यक्ष ), तुलसी आचार्य (महासचिव), रवि पाठक (सचिव)
दर्पण किरॉत राई (कोषाध्यक्ष), सुस्मीता पौड्याल (सह-कोषाध्यक्ष) र सदस्यहरूमा निगम रिमाल, कृष्णप्रसाद कडरिया, टंक सुवेदी, प्रदीप सिटौला र हरिकुमारी गुरूड॰ निर्वाचित हुनुभएको छ।





4 comments:

  1. This comment has been removed by a blog administrator.

    ReplyDelete
  2. This comment has been removed by a blog administrator.

    ReplyDelete
  3. This comment has been removed by a blog administrator.

    ReplyDelete

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक