(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20120101

बहुरुपी नाटककार माओवादी अध्यक्ष प्रचण्डले अहिले आएर बाहुन क्षेत्रीलाई पनि पहिचान दिनुपर्ने प्रस्ताव अघि सारे ! बल्ल बुझेछन !

जनयुद्धकालमा जातीय पहिचान भन्दै बिभिन्न जातीय आधारमा मोर्चा र राज्यको घोषणा गरेको माओवादी अध्यक्ष प्रचण्डले अहिले आएर बाहुन क्षेत्रीलाई पनि पहिचान दिनुपर्ने प्रस्ताव अघि सारेका छन् । प्रचण्डले हालको अन्तरिम संबिधानमा ‘अन्य’ समूहमा राखिएका बाहुन, क्षेत्री, ठकुरी, सन्यासीसहित मुख्य जातीलाई पनि पहिचान दिनुपर्ने प्रस्ताव आफु संयोजक रहेको संवैधानिक समिति अन्र्तगतको उपसमितिमा राखेको आजको नागरिक र कान्तिपुर दैनिकले समाचार छापेका छन् । मुख्य जातीलाई अन्यमा राखिएको छ भन्ने ठूलो गुनासो आएको भन्दै प्रचण्डले पहिचान नपाएकाले पाउँदा भइरहेकाहरुको पहिचान गुम्न नहुने प्रस्ताव राखेका थिए । अन्य जातीलाई ‘आर्य-खस’ वा अर्को कुनै उपयुक्त शब्दले पहिचान दिनुपर्ने
प्रस्ताव पनि गरेका छन् । कांग्रेस संसदीय दलका नेता रामचन्द्र पौडेल र राजपा नेता प्रकाशचन्द्र लोहनीले पनि सवैभन्दा धेरै जनसंख्या भएको र मुलुकभर सवै स्थानमा छरिएर रहेको मुख्य जातीलाई अन्य भनिएको भन्दै असन्तुष्टी तिब्र भएकाले त्यसबारे छलफल गरि उपयुक्त पहिचान दिनुपर्ने बताए । यसअघि संवैधानिक समिति वैठकमा पनि माले महासचिव सीपी मैनाली र लोहनीले अन्य जाती भनेर ठूलो जनसख्यालाई पहिचानबिहीन बनाइएको भन्दै यो मुद्दालाई जोडदार रुपमा उठाएको नागरिक दैनिकले छापेको छ ।

काठमाण्डौबाट प्रकाशित सवैजसो दैनिक पत्रिकाले बाहुन क्षेत्रीलाई ‘अन्य’को शिर्षकबाट हटाएर पहिचान दिन उपसमितिमा छलफल भएको, स्वेच्छिक अबकाश रोज्ने लडाकूलाई २० दिनभित्र बिदाई गरिसक्ने, अंग्रेजी नयाँ बर्षको सुरुवातसँगै नेपालमा चिसो बढेको र हिमाली क्षेत्रमा हिमपात भएको तथा माओवादी बिबाद मिलाउन प्रचण्डले तीन प्रस्ताव अघि सारेको लगायतका समाचारलाई प्राथमिकताका साथ छापेका छन् । नागरिक दैनिकले निगमले अरुलाई पनि डुबाउँदै छ शिर्षकमा तेल अभावबारे मुख्य समाचार छापेको छ । महंगोमा किनेर सस्तोमा तेल बेच्दै आएको निगम पछिल्लो दिनमा ऋणको भरमा चलिरहेको र यस्तै अबस्था रहे तेलको कारण मुलुकको आर्थिक अबस्था धरासायी हुने समाचारमा उल्लेख छ । नागरिक दैनिकले नै नेपाल बिद्युत प्राधिकरणलाई निजीमात्र हैन सरकारी बित्तिय संस्थाले पनि ऋण दिन नमानेको समाचार छापेको छ । यस्तै महानगरपालिकामा चाँडै सिटी टुर बस संचालन हुन लागेको समाचार पनि नागरिक दैनिकमा छापिएको छ । एमालेमा ८ र १२ राज्यको दुई वैकल्पिक प्रस्तावसहित राज्य पुनसंरचना बहस सुरु भएको सवैजसो दैनिक पत्रिकाले छापेका छन् ।
संबिधानसभा म्यादबारे सर्वोच्चले दिएको फैसला पुनरावलोकनका लागि नजिर खोजिरहेको सरकारले तीनवटा उदाहरण भेटाएको नेपाल समाचारपत्र दैनिकले छापेको छ । कारोवार दैनिकले नेपालमा वैंकको निक्षेप बढेपपनि फाइनान्सहरुको घटेको समाचार छापेको छ । कारोवार दैनिकले नै नयाँ बर्षमा ठमेल क्षेत्रमा ६ करोडको कारोवार भएको समाचार छापेको छ ।
नयाँ पत्रिका दैनिकले पूर्व राजकुमारी प्रेरणासिंहको शरिरबाट १४ किलो बोसो झिएको समाचारलाई मुख्य समाचार बनाएर छापेको छ । आर्थिक अभियान दैनिलके भारतको बाटो हुँदै गैरकानुनीरुपमा बिदेश जाने नेपालीहरुलाई भारतले रोक्न थालेको समाचारलाई मुख्य समाचार बनाएर छापेको छ ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक