(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20131215

एकीकृत नेकपा माओवादीले सहमतिका लागि पाँचवटा शर्त अघि सारेको दिनमा नै दोलखा स्थित भीमेश्वरको मूर्तिमा पसिना आयो ! एमाओबादीका माग पुरा गरे कङ्रेस एमालेहरु ज्ञानेन्द्र बन्न तयार भए हुन्छ !

दोलखा स्थित भीमेश्वरको मूर्तिमा आइतबार पसिना आएको छ । दिउँसो साढे तीन बजेदेखि मूर्तिमा पसिना आएपछि दर्शनार्थीको घुइँचो लाग्यो । पानीको थोपा मूर्तिबाट निस्किएपछि पसिना आएको विश्वास गरिन्छ । भीमसेनको पसिनालाई अनिष्टको सूचक मानिन्छ । परिवर्तन वा अनिष्ट नहोस् भनेर घण्टासहित सवै प्रकारका बाजाहरु बजाइन्छ । पनिालाई कपासले पुछेर दर्शनार्थीलाई क्रमिकरुपले दर्शन गरिन्छ । पसिना आएपछि राजदरबारलाई हानि पुर्‍याउने विश्वासस्वरुप पुछिएको कपासलाई पहिले दरबारमा पठाइन्थ्यो । गणतन्त्र आएपछि एकपटक प्रधानमन्त्री कार्यालय पठाइएको थियो भने यसपटक राष्ट्रपतिलाई पठाइने बताइएको छ । भीमसेनको पसिना आएको साल बि. सं. १९९० सालमा भूइँचालो आयो भने २०९७ मा चार सहिदलाई फाँसी दिइएको थियो भने २००७ मा प्रजातन्त्र आयो भने २०१३ मा ।ाना त्रिभूवनको निधन भयो । २०१७ मा पञ्चायत आयो, २०१९ पञ्चायती संविधान, २०२८ महेन्द्रको निधन, २०३६ मा जनमत संग्रह, १०४५ मा भूकम्प गएको थियो । २०५७ माघ १ र १५ मा भीमसेनमा पसिना आउँदा त्यसको दुई वर्षपछि दरबार हत्याकाण्ड भयो । ६१ मा पसिना आउँदा ६२/६३ मा
गणतन्त्र आयो ।
यता एकीकृत नेकपा माओवादीले सहमतिका लागि पाँचवटा शर्त अघि सारेको छ । पार्टी मुख्यालय पेरिसडाँडामा बसेको राजधानीमा उपलब्ध पूर्वपोलिटब्यूरो सदस्यहरुको आकस्मिक बैठकले धाँधलीबारे संसदीय समितिलाई नमान्ने र उच्चस्तरीय आयोग नै गठन गरिनुपर्ने अडानलाई दोहोर्‍याएको छ । एमाओवादी बैठकले मंसिर मसान्तमा म्याद सकिन लागेको उच्चस्तरीय राजनीतिक समितिलाई निरन्तरता दिनुपर्ने निर्णय गरेको छ । त्यस्तै सहमतिका आधारमा संविधान निर्माण गर्ने प्रतिवद्धता जनाउनुपर्ने, सहमतीय प्रणालीमा जाने गरी अन्तरिम संविधान संशोधन गर्नुपर्ने र संविधानसभा बाहिरका दललाई पनि सहमतिमा ल्याइनुपर्ने शर्तहरु एआओवादी बैठकले अघि सारेको छ । पाँच शर्त- छानविन आयोग, सहमतिमा संविधान, संविधान संशोधन, संविधानसभा बाहिरको समेत सहमति र राजनीतिक संयन्त्रलाई निरन्तरता ‘संसदीय छानविन समितिलाई नमान्ने र उच्चस्तरीय आयोग नै गठन हुनुपर्ने बैठकको निर्णय छ,’ पूर्वपोलिटब्यूरो सदस्य एवं एमाओवादी नेता देवेन्द्र पौडेलले भन्नुभयो, यिनै पाँचवटा बुँदाहरुमा आधारित रहेर सहमति गर्न बैठकले शीर्ष नेतृत्वलाई म्यान्डेट दिएको छ ।’ आइतबार उच्चस्तरीय राजनीतिक समितिको बैठक बस्नुभन्दा केही घण्टा अगाडिमात्रै एमाओवादीले राजधानीमा उपलब्ध पूर्वपोलिटब्यूरो सदस्यहरुको आकस्मिक बैठक बोलाएको हो । उच्चस्तरीय राजनीतिक समितिको बैठकभन्दा पहिले आन्तरिक छलफल गर्ने भन्दै आकस्मिक बैठक पार्टी मुख्यालय पेरिसडाडँमा बोलाइएको थियो । आइतबारै एमाओवादी गठबन्धनको पनि छुट्टै बैठक बसेको थियो । निर्वाचनको धाँधलीबारे उच्चस्तरीय छानविन आयोग बनाउनुपर्ने माग गर्दै आएको एमाओवादीले आइतबार बेलुका आयोजित उच्चस्तरीय राजनीतिक समितिको बैठकमा यसबारे कांग्रेस र एमालेलाई जवाफ दिनुपर्ने भएकाले बैठक बोलाएको हो । कांग्रेस र एमालेले संसदबाटै समिति बनाएर धाँधलीको छानविन गर्ने प्रस्ताव राखेको हुनाले एमाओवादी शीर्ष नेतृत्वले यसबारे के गर्ने भनेर आफ्ना नेताहरुसँग सुझाव मागेको थियो । संघीयता, गणतन्त्र र धर्मरिपेक्षता लगायतका एजेन्डामा प्रतिवद्धता जनाउन कांग्रेस र एमालेका नेताहरु सहमत देखिएका पनि छानविन आयोगको विषयमा कुरा अड्किएको अवस्थामा एमाओवादीले आन्तरिक छलफल गरेको बताइएको छ । प्रचण्ड गठबन्धनमै रहेका सद्भावना पार्टी लगायतका केही दलले संविधानसभामा जाने बताएपछि एमाआवादीभित्र सहमतिमा आउन र संविधानसभामा भाग लिन चर्को दबाव परिरहेको छ । यद्यपि आइतबारै गठबन्धनको समेत बैठक बसेर एमाओवादी लगायतका दलहरुले पुनः पुरानै अडानलाई निरन्तरता दिएका छन् । मुख्यतः एमाओवादीले उच्चस्तरीय आयोग नबनाएसम्म समानुपातिक सूचीमा नाम नपठाउने अडान राख्दै आएको छ । आइतबारको बैठकले पनि यही अडानलाई निरन्तरता दिएको छ । यसैवीच समानुपातिक सूची नबुझाइए पनि निर्वाचन आयोगले पुस ३ गते म्याद थप नगरी राष्ट्रपतिसमक्ष सभासदको नाम पठाउने चर्चा चलेको छ ।


No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक