(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20141224

केपी शर्मा ओलीले एमाओवादी अध्यक्ष प्रचण्ड पछिल्ला दिनमा नाटकीय ढंगले प्रस्तुत भएको भन्दै नाटकघरले किन लाँदैनन् भन्ने व्यंग्यात्मक टिप्पणी गरे !

एमाले अध्यक्ष केपी शर्मा ओलीले एमाओवादी अध्यक्ष प्रचण्ड पछिल्ला दिनमा नाटकीय ढंगले प्रस्तुत भएको भन्दै नाटकघरले किन लाँदैनन् भन्ने व्यंग्यात्मक टिप्पणी गरेका छन् । बालुवाटार बैठकमा ओलीले आफूलाई महाराजधिराज ठानेको प्रचण्डको आरोपको जवाफमा उनले आफू राजा महाराजा होइन, देशको पहरेदार सिपाही भएको बताए । प्रेस चौतारी नेपालले मंगलबार राजधानीमा गरेको अन्तरसम्वाद कार्यक्रममा ओलीले बालुवाटार बैठकको प्रसंग सुनाउँदै भने-‘ पाउरोटी खस्रो हुन्छ भनेर बटर दलेर चिल्लो बनाएर प्रस्तुत भएको थिएँ ।’ शान्त हुनुस् भन्दै राजा महाराजाले जस्तो आदेश दिने भन्दै प्रचण्ड बुरुक्क उफि्रएको बताउँदै ओलीले भने-‘कुनै नाटक पनि यति नाटकीय हुँदैन, नाटकघरले पनि किन लाँदैनन् ?’ आफूले राजा महाराजा, हुने र तानाशाही चलाउने इच्छा नराखेको ओलीले बताए । उनले भने-‘म यो देशको पहरेदार हुँ । म जुन ठाउँमा हुन्छु, त्यसबाट देशको पहरेदारी गर्ने सिपाही हुँ ।’ सिपाही भन्दा कसले नियुक्त गर्‍यो भन्छन् भन्दै ओली आफैंले जवाफ दिएँ-अवैतनिक सिपाही हुँ । देशभक्तिका कारण सिपाही भएँ । जनताले चुनेर पठाएको प्रतिनिधि हुँ । बत्ती निभाएर आएको होइन ।’  एमाले अध्यक्ष ओलीले
आफूहरुले सहमतिको प्रयास गरिरहेको भएपनि केही -माओवादी)ले मोर्चा बनाएर संविधान निर्माणलाई रोक्न खोजेको आरोप लगाए । कहीँ नभएको जात्रा संविधानसभामा देखिएको भन्दै उनले माओवादीले नै संविधानसभा भवनमा ताला लगाउन गराएको आरोप लगाए । उनले भने-बन्दकारीहरुको बर्गीय संगठनले संविधानसभामा बन्द गराए । जहाँ जहाँ छन्, त्यहाँबाट संविधान बन्न नदिने थालनी हो यो ।’ अन्तराष्ट्रिय सम्मेलन केन्द्रमा कार्यरत कर्मचारीले संसद सचिवालयका कर्मचारीसरह तलब भत्ता र सुुविधा माग गर्दै आइतबार संविधानसभा भवनमा साढे ४ घन्टा तालाबन्दी गरेका थिए ।  ओलीले पहिचानसहितको संघीयता कुनै हालतमा हुन नसक्ने बताए । उनले तराईलाई पहाडमा मिलाएर प्रदेश बनाउन नहुने मधेसवादी दलहरुको माग पनि कुनै स्वीकार्य नहुने बताए । देशको अखण्डतामा कुनै सम्झौता हुन नसने भन्दै उनले भने-संविधान नबन्दा त यस्तो छ । भूगोलका आधारमा क्षेत्रीयता र जातीय संकीर्णतालाई ठाउँ दिने हो भने संविधानिक बाटोलाई कसले रोक्छ ?’ जातीय पहिचान र मधेसको मात्र छुट्टै प्रदेशको माग जनताको नभइ ‘सुपर बोस’बाट पालिएकाहरु भएको उनले बताए । दुई तिहाइ बहुमतबाट संविधान जारी गरे संविधानसभमा रक्तपात हुन्छ भन्ने धक्की आएको भन्दै ओलीले कसलाई भनेको भनी प्रश्न गरे । उनले भने-‘नचाहिने कुरो । बाख्रा ल्याएर काट्ने हो ?’ संघीयता केटाकेटीको भाँडाकुटी खेल नभएको भन्दै उनले भावावेशबाट नचल्न आग्रह गरे । अहिले संविधानसभा भवन भाडामा चलाउनुपरेको उदाहरण दिँदे उनले मुलुकले धेरै प्रदेश धान्न नसक्ने बताए । केही मान्छेलाई केही दिन मुख्यमन्त्री, गर्भनर बन्न भए पनि मुलुकले नधान्ने उनले बताए । उनले भने-‘परराष्ट्र मन्त्रालय त बिरालाले छाउरो सारेजस्तै कहिले कता कहिले कता सार्नु परेको छ । मन्त्री क्वाटर बनाउनु पर्‍यो ? कहाँबाट आउँछ पैसा ?’ ओलीले अघि भने-‘अखबार छाप्ने प्रेस जस्तो ठ्याप ठ्याप छाप्ने त होइन ।’  सहमतिका लागि आफूहरुले प्रस्ताव अघि सारेको भन्दै ओलीले सहमतिमा नआए छुट्ने बताए । समयभन्दा ढिला पुग्दा मानिसहरुले रेल छुट्यो भन्ने गरेको तर, आफू छुटेको हुने भन्दै एमाले अध्यक्ष ओलीले भने-‘संविधान बनाउन तयार भएनन् भने आफैं छुट्छन् ।’

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक