(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20161008

शुभकामना मन्तव्यमा पूर्वराजा ज्ञानेन्द्रले गणतन्त्र स्थापनापछि केही हुन नसकेको भन्दै आधा दर्जन प्रश्न गरे


पूर्वराजा ज्ञानेन्द्र शाहले हिन्दुहरुको महान् पर्व वडा दसैँको अवसरमा शुभकामना दिएका छन् । शुक्रबार सम्पूर्ण नेपालीको सुख स्वास्थ्यको कामना गर्दै ज्ञानेन्द्रले वक्तव्य मार्फत् शुभकामना दिएका हुन् । ‘वडा दसैँको यस पावन अवसरले हाम्रो रिति–थिति, संस्कृति, धर्म–परम्परा र सभ्यता एवम् त्यसको निरन्तरताको मौलिक अस्तित्वलाई सवल पार्दछ,’ मन्तव्यमा भनिएको छ, ‘यस सुखद अवसरमा म देशभित्र र देश बाहिर रहे वसेका सम्पूर्ण नेपालीमा सुख, शान्ति, समृद्धि र प्रगतिका लागि हार्दिक मंगलमय शुभकामना व्यक्त गर्दछु ।’
नेपाली जनातको चाहना शान्ति, सुरक्षा, स्थायित्व, विकास र समृद्धि भएको बताउदै ज्ञानेन्द्रले बितेका दशकभित्र जनताको दैनिकीमा सकारात्मक परिवर्तन नआएको भन्दै गणतन्त्रप्रति असन्तुष्टि जनाएका छन् ।
शुभकामना मन्तव्यमा ज्ञानेन्द्रले गणतन्त्र स्थापनापछि केही हुन नसकेको भन्दै आधा दर्जन प्रश्न गरेका छन् ।
बितेका दशकभित्र जनताको दैनिक जीवनमा सकारात्मक परिवर्तन भयो त ?
राष्ट्रियता, सार्वभौमिकता, राष्ट्रिय एकता र सामाजिक सद्भाव बलियो भयो त ?
भ्रष्ट्राचार, अनियमितता, दण्डहिनताको अन्त्य गरि जनमुखी शासन, प्रशासन प्रारम्भ गरियो त ?
विकास, निर्माण र उद्योग व्यवसाय फस्टाउने वातावरण बनाइयो त ?
परिपक्क परराष्ट्र नीति तर्जूमा गरेर देशको स्वाभिमान र स्वार्थ रक्षा गरियो त ?
परिवार छोडेर पराया भूमिमा पसिना बगाउनुपर्ने बाध्यताबाट नेपाली युवालाई मुक्त गरियो त ?’

सँगै उनले दश वर्षमा जनताका निम्ति के–के गरियो भन्ने कुराको समीक्षा गर्न ढिला भइसकेको समेत बताएका छन् ।
नेपाल पूर्वय दर्शनको आध्यात्मीक र जीवन्त संस्कृतिको धरोहर केन्द्र रहेको उल्लेख गर्दे भनेका छन्, ‘हाम्रो धर्म मेटिए हाम्रो संस्कृति मेटिन्छ र हाम्रो संस्कृति मेटिए हाम्रो सभ्यताको मुल नै सुक्छ र हाम्रो संस्कृति र सभ्यता मेटिए हामी पनि मेन्टिन्छौँ । राजकीय सत्ता, धर्म, संस्कृति र समाज स्थायी तत्व हुन् । राष्ट्रिय कार्यसूची र शक्ति सन्तुलन नै राष्ट्रिय सहमतिको मुल मन्त्र हो । हाम्रो अस्तित्व, स्वाभिमान एवम् गौरवगाथाको समग्र रक्षाको लागि हामी सबै एक हौं ।’
शुभकामना मन्तव्यको अन्तिममा भनिएको छ, ‘श्री नवदुर्गा भवानीले नेपालीमा रहेको स्नेह र सद्भावना सधै कायम राखि देशको लागि आफ्नो जीवनको प्रत्येक क्षण अर्पण गर्ने प्रेरणा प्रदान गरुन् । जय नेपाल ।’

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक