भारतको नयॉदिल्ली स्थित नेपाली संस्कृति परिषद अन्तर्राष्ट्रियद्वारा बरिष्ठ गीतकार एवं साहित्यकार ज्ञानेन्द्र गदाललाई एक अन्तर्राष्ट्रिय पुरस्कार सहित सम्मान गरिएको छ । सिटी सेन्टर, नयॉदिल्लीमा अवस्थित सम्मेलन केन्द्रमा आदिकवि भानुभक्त आचार्यको २०५औं जन्मजयन्तीका अवसरमा आयोजित ‘भानु सम्मान पुरस्कार समारोह’ कार्यक्रममा बिभिन्न क्षेत्रबाट समाज र मानव समुदायको हितमा अन्तर्राष्ट्रीय स्तरमा सेवा पुर्याए बापत पॉचजना विशिष्ट महानुभावहरुलाई सम्मानित गरिएको हो । यसै सन्दर्भमा साहित्यको माध्यमबाट नेपाली भाषा-साहित्यलाई विश्वमा फैलाएबापत वरिष्ठ गीतकार एवं कुशल संगठक श्री गदाललाई “अन्तर्राष्ट्रिय भानु नेपाली भाषा-साहित्य सम्बर्धन सम्मान पुरस्कार” द्वारा बिभुषित गरिएको छ ।
यसरी नै अन्य सम्मानित महानुभावहरुमा निम्नानुसार रहनु भएको छ: -
मानव कल्याणका लागि योगदान गरेवापत उत्तराखण्ड भारतका पर्यटन क्याविनेट मन्त्री श्री सतपालजी महाराज
- धर्म संस्कृतिको माध्यमबाट समाजसाई सहि दिशा दिए वापत महाराजश्री रोहितराज गुरुंग
- चलचित्रको माध्यमबाट नेपाली समाजलाई जागरुक एवं उन्नत बनाउन योगदान गरे बापत नेपाली चलचित्र निर्मात्री रज्जु प्रधान र
- सॉस्कृतिक आदानप्रदानका हिसावले नेपाल भारत सम्बन्धलाई बलियो पार्न विशेष योगदान गरेबापत आर.एस.एस.(राष्ट्रीय स्वयंसेवक संघ) का केन्द्रीय समिति सदस्य एवं नेपाली संस्कृति परिषद अन्तर्राष्ट्रीयका संरक्षक ईन्द्रेस कुमार ।
भाजपा का पूर्व राष्ट्रीय अध्यक्ष श्री दुष्यन्त कुमार गौतमको अध्य़क्षतामा सम्पन्न उक्त समारोहमा बिभिन्न क्षेत्रका भारतीय उच्च पदाधिकारी, मन्त्रीगण अतिथिका रुपमा उपस्थित थिए । सम्मानित सबैलाई कार्यक्रमका अध्य़क्ष गौतमले दोसल्ला ओढाई पुरस्कार तथा सममानपत्र प्रदान गरेका थिए । सम्मानित व्यक्तित्व श्री गदालको संक्षीप्त परिचय परिषदका अध्यक्ष अशोक चौरसियाले गराएका थिए ।
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक