झापा । प्रधानमन्त्री केपी शर्मा ओलीले झापाको तीन स्थानीय तह (दमक नगरपालिका, कमल गाउँपालिका र गौरादह नगरपालिका)मा बन्ने औद्योगिक पार्कको आज शिलान्यास गर्नुभएको छ । करिब २३ सय बिगाहा क्षेत्रमा निर्माण हुने भनिएको चिन–नेपाल मैत्री पार्कको उहाँले आज शिलान्यास गर्नुभएको हो ।त्यस्तै उहाँले आज नै दमक भण्डारी राजमार्गमा पर्ने करिब ३० वटा पुलको एकैसाथ शिलान्यास गर्नुभएको छ ।
यस्तै उहाँले दमक नगरपालिका र इलामको चुलाचुली जोड्ने करिब ३०० मिटर लामो रतुवा खोलाको पुलको समेत उद्घाटन गर्नुभएको छ ।
प्रधानमन्त्री ओलीले दमक नगरपालिका र कमल गाउँपालिका आमबाडी जोड्ने करिब २५० मिटर लामो पक्की पुलको पनि आजै उद्घाटन गर्नुभएको छ ।
झापाको दमक क्षेत्रमा बन्ने चिन–नेपाल मैत्री औद्योगिक पार्कको शिलान्यास गर्नुहुँदै प्रधानमन्त्री ओलीले नेपालमा औद्योगिक विकासको सुरुवात भएको बताउनुभयो । पछिल्ला समयमा नेपालमा विकास निर्माणको कार्यले द्रुत गति लिएको पनि उहाँले बताउनुभयो ।
प्रधानमन्त्री ओलीले विप्लव नेतृत्वको प्रतिबन्धित नेकपासँग चाँडै वार्ता गर्ने पनि बताउनुभयो । शान्तिको सम्बन्धमा अलिअलि समस्या रहेको ठानिएको विप्लव समूहको समस्याको पनि छिट्टै वार्ताद्वारा समाधान गर्ने उहाँले बताउनुभयो ।
झापामा बन्ने औद्योगिक पार्कको लागत करिब ६३ अर्ब रहेको छ । औद्योगिक पार्क निर्माणका लागि पहिलो चरणमा २ अर्ब बजेट रहेको जनाइएको छ ।
त्यस्तै दुई वर्षभित्र पार्क निर्माणले उल्लेख्य गति लिने र ४५ हजारले रोजगारी पाउने प्रधानमन्त्री ओलीले जानकारी दिनुभयो । उहाँले ५ वर्षभित्र पूर्वाधार निर्माण गरिसक्ने र १० वर्षमा दशौँ लाखले रोजगारी पाउने बताउनुभयो ।
- निशेष राई
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक