प्रचण्ड देउवा ओली माकुने
यी र यस्तै नेता पाएकै छौँ
पुराना देखी नयाँ जोगी सम्मको
प्यारो हर्क, हर्के हल्दार बन्दा पनि
बिचरा ढुङ्गा बोक्ने मेयर भन्दै
उनकै गुणगान गाएकै छौँ
लोकतन्त्र, गणतन्त्र, सङ्घीयताको
साह्रै मिठो फल खाएकै छौँ
हामी कति भाग्यमानी,
विरोध किन गर्नु नजानी नजानी !
ज्योति मगरहरू उफारेकै छौँ
स्टेजमा परे परोस् भ्वाङ
अङ्ग प्रदर्शन र तिघ्रा दर्शन
कला होइन चर्तिकला हेर्दै
सब छौँ मक्ख किन पार्नु स्वाङ !
किन चाहिए बुद्ध,
किन चाहिए राम ?
राक्षसहरू राज गर्छन्,
सज्जनको नभए पनि कुनै काम
धमलाको हमलामा
पत्रकारिता चलेको चलै छ हाम्रो
विदेश गएका पाखुराहरू,
रगत र पसिना सँग पैसा साट्छन्
रेमिटेन्स फलेको फलै छ हाम्रो
हामी कति भाग्यमानी
विरोध किन गर्नु नजानी नजानी !
- Ram Prasad Khanal, January 24, 2024
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक