रुस–युक्रेन युद्धमा परि हालसम्म ३१ हजार भन्दा बढी युक्रेनी सैनिकहरु मारिए, रुस र युक्रेन दुबैले युद्धमा आफ्नो सैन्य हताहतीलाई कम देखाउने प्रयास गर्दै !

 रुस–युक्रेन युद्धमा परि हालसम्म ३१ हजार भन्दा बढी युक्रेनी सैनिकहरु मारिएका छन् । युक्रेनका राष्ट्रपति भोलोदिमिर जेलेन्स्कीले रुसको आक्रमणमा परि आफ्ना ३१ हजार सैनिक मारिएको बताउनु भएको हो । युद्धमा सैनिक मारिनु देशको लागि ठूलो मानवीय नोक्सानी भएको उहाँको भनाई छ । राष्ट्रपति जेलेन्स्कीले घाइतेको संख्या भने सार्वजनिक नगरिएको समेत बताउनुभएको छ । रुसी विदेश मन्त्रालयले भने युक्रेनको तथ्यांक गलत भएको बताएको बीबीसीले उल्लेख गरेको छ । रुस र युक्रेन दुबैले युद्धमा आफ्नो सैन्य हताहतीलाई कम देखाउने प्रयास गर्दै आएका छन् । पछिल्लो दुई वर्षदेखि रुसले युक्रेनलाई निरन्तर आक्रमण गरिरहेको छ । युक्रेनले पहिलो पटक मृतक सैनिकको संख्या सार्वजनिक गरेको हो ।