भागेर टाढा नजाऊ
तिमीलाई नि नचिनेको हो र ?
ठुला कुरा गरेर फुर्ती नलगाऊ
तिमी र म पनि अब
केही बुँदे सहमति गरौँ
एक अर्काको भर परौँ
फेरी अर्को गठबन्धन गरौँ !
नीति, सिद्धान्त, देश जनता,
यी त सब भन्ने कुरा न हुन !
तिमी पनि उस्तै
म पनि उस्तै
नपत्याए हेरौँ ऐना
छैन कुनै फरक,
देखिन्छौँ दुरुस्तै !
नाम र अनुहार न हो फरक
उस्तै त हो हाम्रो विगत
फुर्ती नगर
घुर्की नगर
तिमीले मेरा विरुद्ध नबोल्नु
म तिम्रा विरुद्ध बोल्दिन
तिम्रो वेश्यावृत्तिको विगत र वर्तमान
मरिजमा म पनि खोल्दै खोल्दिन
नखोल्नु तिमीले मेरो पनि
नबोल्नु तिमीले मेरो पनि
आऊ प्रिय नजिक आऊ
भागेर टाढा नजाऊ
बरु मेरो फेरो समाऊ
तिमीलाई नि नचिनेको हो र ?
ठुला कुरा गरेर फुर्ती नलगाऊ
तिमी र म पनि अब
केही बुँदे सहमति गरौँ
एक अर्काको भर परौँ
फेरी अर्को गठबन्धन गरौँ !
तिमीलाई म राम्रो भाग दिन्छु
मालदार भाग म पनि लिन्छु
बचे खुचेको पिछलग्गुहरूलाई दिन्छु
बढी कनकन नगर
बाहिर बसेर थन थन नगर
मेरो भर पर
न तिमी चोखो
न म चोखो
दुनियाँले थाहा पाउन हुन्न
एक अर्कामा आरोप लाउनु हुन्न
त्यसैले फेरी पनि भन्दै छु
आऊ प्रिय आऊ
भागेर टाढा नजाऊ
तिमीलाई नि नचिनेको हो र ?
ठुला कुरा गरेर फुर्ती नलगाऊ
तिमी र म पनि अब
केही बुँदे सहमति गरौँ
एक अर्काको भर परौँ
फेरी अर्को गठबन्धन गरौँ !
- रामप्रसाद खनाल, March 07, 2024
अरु समाचार र बिचार हेर्न तलको लिँक क्लिक गर्नुहोस ।
click on this logo for home page
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक