20090508

३ सय १ जना कसैको पनि पुग्दैन, भोलिसम्म सरकार गठन नहुने भयो !!!

सत्ता समीकरणबारे छलफल गर्न आज बसेको मधेसी जनअधिकार फोरमको राजनीतिक समितिको बैठक बैठक भोली बिहान फेरि बस्ने गरी स्थगित भएको छ । फोरम कार्यालय शंखमुलमा बसेको बैठकले सरकार गठनको पहल, नेतृत्व र सहभागिताका विषयमा छलफल भएपनि कुनै निष्कर्षननिस्किएको प्रवक्ता जितेन्द्र देवले जानकारी दिनुभयो । बैठकले सरकार गठनका लागि अरु दलसँग छलफल गर्न ३ सदस्यीय समिति गठन गरेपनि समितिका सदस्यहरुको नाम भने र्सार्वजनिक गरिएको छैन । सरकार गठनका बारेमा फोरमभित्र २ धार देखा परेको छ । अध्यक्ष उपेन्द्र यादवको समुहले माओवादी नेतृत्वमा सकार बन्नु पर्ने बताएको छ भने विजय गच्छदार र शरदसिंह भण्डारीको समुहले काँग्रेस र एमालेलाई सरकार गठनका लाग सहयोग गर्नु पर्ने बताएको छ । यसैबीच फोरमको संसदीय दलका उपनेता विजयकुमार गच्छदारले बहुमतीय आधारमा सरकार बनाउने भए फोरमले पनि नेतृत्वको दावी गर्ने बताउनुभयो । अरु मधेसवादीदलहरु समेत सहभागी संयुक्त लोकतान्त्रिक मधेसी मोर्चालाई सरकारको नेतृत्व गर्ने हक रहेको उहाँको भनाई थियो ।
आफूहरु राष्ट्रिय सहमतिको सरकार बनाउनु पर्ने पक्षमा रहेको भन्दै उहाँले राष्ट्रिय सहमतिको सरकारका लागि भने आफूहरुले नेतृत्वको लागि दावी नगर्ने स्पष्ट पार्नुभयो । गच्छदारले आजै कांग्रेस सभापति कोइरालालाई भेट्नुभएको छ । दलहरुबीच सहमति हुन नसक्दा राष्ट्रपति डाक्टर रामवरण यादवले गर्नुभएको आव्हान अनुसार भोलिसम्म सरकार गठन नहुने भएको छ ।

माओवादी नेतृत्वको गठबन्धन
माओवादी २३८
नेपाली जनता दल २
नेकपा एकीकृत २
सदभावना सरिता २
समाजवादी जनता दल २
नेपाल परिवार दल १
जम्मा २४७

माओवादीविपक्षी गठबन्धन
नेपाली काँग्रेस ११४
नेकपा एमाले १०९
नेकपा माले ९
राप्रपा८
सद्भावना गुप्ता १
राप्रपा नेपाल ४
जनमुक्ति पार्टी २
चुरेभावर राष्ट्रिय एकता पार्टी १
नेपाः राष्ट्रिय पार्टी १
जम्मा २४९

निर्णय गर्न बाँकी
फोरम ५१
तमलोपा २२
सद्भावना पार्टी ९
जनशक्ति पार्टी ३
दलित जनजाति १
जम्मा ८६

तटस्थ
नेमकिपा ५
नेकपा संयुक्त ५
राष्ट्रिय जनमोर्चा ४
संघीय लोककतान्त्रिक माच २
स्वतन्त्र २
लोकतान्त्रिक समाजवादी दल १
जम्मा १८

कांग्रेसले एमालेलाई सरकार नेतृत्व गर्न प्रस्ताव गरे पनि उसको पक्षमा बहुमत आवश्यक बहुमत जुट्ने अवस्था बनेको छैन। मधेशवादी दल र केही साना दलले आफ्नो समर्थन कता हुने भन्ने निर्णय नदिएसम्म सरकारका निर्माणका लागि आवश्यक बहुमत ३ सय १ जना कसैको पनि पुग्दैन। सरकार गठन गर्न पहल गर्ने एमाले कांग्रैसलाई समर्थन दिनेसहितको संख्या २ सय ४९ जना पुगेको छ। माओवादी पक्षमा केही साना दलले समर्थन दिएपछि २ सय ४७ पुगेको छ। सरकार गठनको आवश्यक पर्ने संख्या भएको फोरम तमलोपासहितले निर्णय गर्न बाँकी छ। निर्णय गर्न बाँकी रहेका दलका सभासद् ८६ जना छन्। नेमकिपा नेकपा संयुक्त र राष्ट्रिय जनमोर्चासहितका दल अहिलेसम्म तटस्थ बसेका छन्। ती दलको सभासद्का संख्या १८ पुग्छ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक