उपप्रधानमन्त्री कोइरालाले माधव नेपाल नेतृत्वको सरकारको कडा आलोचना गरेकी हुन् । नेपाली काँग्रेसका सभापति गिरिजाप्रसाद कोइरालाको संयोजकत्वमा उच्चस्तरिय संयन्त्र गठन भएपछि सरकारको भविष्यका बारे आशंका बढीरहेका बेला गठबन्धन सरकारमा नेपाली काँग्रेसको नेतृत्व गरिरहेकी मन्त्री कोइरालाको यो भनाई आएको छ।
कोइरालाले वर्तमान नेतृत्वको सरकार परिवर्तनका बारेमा काग्रेस संसदीय दलमा बहस सुरु भएकोमा खुशी प्रकट गर्दै अहिलेको सरकारमा आफु सहभागी हुनु दुर्भाग्य भएको समेत बताएकी छिन् । नेपाल वित्तिय संस्था कर्मचारी संघ राष्ट्रिय वाणिज्य वैंक क्षेत्रीय अधिवेशनको शनिबार बुटवलमा उद्घाटन गर्दै उपप्रधानमन्त्री कोइरालाले क्याविनेटमा जाँदा पोलिटब्युरो बैठकमा गएजस्तै लाग्ने गरेको गुनासो गर्दै भन्नुभयो “सरकारमा गएपछि पार्टीले आफुलाइ सहयोग नगरेको र सरकार सरकार जस्तो नभएकाले पहिलोपटक सरकारमा हुँदा खिन्नता महसुस गरेकी छु ।” कयाविनेट बैठकमा प्रधानमन्त्री सरकारको नेता नभइ कुनै दलको नेता जस्तो हुने गरेको उल्लेख गर्दै परराष्ट्रमन्त्री कोइरालाले एमालेले सत्ता कब्जा गर्न खोजेको अनुभूति क्याविनेटमा बस्दा लाग्ने गरेको बताइन् । सरकारमा सहभागिता सन्तोषजनक हुन नसकेको स्वीकार गर्दै उपप्रधानमन्त्री कोइरालाले यसबारे आफुले गिरिजाबाबुलाई सविस्तार वर्णन गरेको समेत बताइन् । उपप्रधानमन्त्री कोइरालाले माओवादीलाई बाहिर राखेर मुलुकको समस्या समाधान नहुने जिकिर गर्दै लडाकु व्यवस्थापन, संविधान निमार्ण अनि पुनः चुनाव गर्ने काम माओवादीको सहभागिताबाट मात्रै सम्भव रहेको स्पष्ट पारिन् ।
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक