(अनमिन)ले प्रमाणीकरण पछि १९ हजार ६ सय दुई माओवादी लडाकु रहने तथ्यांक निकालेको थियो। साढे दुइ वर्ष भन्दा बढी समय देखि माओवादी लडाकुहरु शिविरमा बस्दै आएका छन्।
माओवादी नेता बाबुराम भट्टराईले आफु अर्थमन्त्री हुँदा मासिक तीन हजारले नपुग्ने भन्दै लडाकुको तलब पाँच हजार रुपियाँ बनाइदिएका थिए। पूर्व माओवादी लडाकु खडकाका अनुसार तीनहजार तलब हुँदा पनि पार्टीले लेवी काट्थ्यो।
उनले भने, “तीन हजार तलब हुँदा दुइ हजार रुपियाँ हात पर्थ्यो।” माओवादी सेना कमाण्डर नन्द किशोर पुन पासाङले लडाकुहरुको तलबबाट रकम कट्टा गरिएको अस्वीकार गरेनन्। तर त्यसरी लडाकुहरुबाट लिएको पैसा पार्टीमा जाने नभै अयोग्य लडाकुहरुलाई दिइने गरेको उनले बताए। पासाङले भने, “त्यो पैसा हाम्रो पार्टीमा जाने भन्दा पनि अयोग्य लडाकुलाई बाँडीचुँडी गरेको हो।”
अयोग्य लडाकुहरु शिविरबाट बाहिरिएकाले अबको स्थिति फरक हुने उनको भनाइ थियो।
सरकारले यसै साता माओवादी लडाकुलाई जाने गरेको रकम दुरुपयोग भएको आशंका गर्दै उनीहरुलाई दिने गरिएको तलब रोक्न सकिने बताएको थियो।
तर सरकारी संकेत माओवादी लडाकु मार्फत राज्यकोषबाट मासिक रुपमा माओवादीमा जाने गरेको भनिएको रकम माथि भने होइन।
सरकारले त शिविर छोडेर जाने लडाकुको संख्या हजारौं भएको भन्दै तिनका नाममा जाने करोडौं रकम पनि दुरुपयोग हुने गरेको ठानेको छ।
आफ्ना लडाकुलाई दुहुनो गाइ बनाउन पाएकाले नै माओवादी तत्काल लडाकु समायोजन गर्न चाहन्न भन्ने अरु दलहरुको आरोप रहँदै आएको छ।
माओवादीले चाहिं अनावश्यक बखेडा निकालेर सरकार शान्ति प्रक्रिया भाँडन लागिपरेको आरोप लगाएको छ।
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक