हुँदै संविधानसभा निर्वाचनपछि सबैभन्दा ठूलो दल बनेपछि माओवादीले आफ्ना कार्यकर्तालाई रोजगारीका लागि बढिजसो होटल तथा उद्योग कलकारखानामा आबद्ध गराएको हो । अध्यक्ष पुष्पकमल दाहालको नेतृत्वमा बनेको सरकारमा श्रममन्त्री बनेका लेखराज भट्टका पालामा माओवादीले तारे होटलमा आफ्ना कार्यकर्तालाई धमाधम भर्ती गरेको थियो । भट्ट श्रममन्त्री भएपछि मात्रै माओवादीले हजार बढी कार्यकर्तालाई तारे होटलमा भर्ती गराएको थियो । राजनीतिक दबाबमा राजधानीका सोल्टी, अन्नपूर्ण, याक एन्ड यती, एभरेष्ट, सांग्रीला, ¥याडिसन, ह्यात तथा मल्ल गरी प्रत्येक होटलमा न्यूनतम डेढ सयदेखि तीन सयको हाराहारीमा माओवादी निकट मजदुर तथा कर्मचारी कार्यरत छन् । माओवादीको तुलनामा अन्य दलसँग आबद्ध मजदुर तथा कार्यकर्ताहरू भने न्यून छन् । माओवादी निकट ट्रेडयुनियन महासंघका अध्यक्षसमेत रहेका सभासद शालिकराम जमरकट्टेलले भने खुल्ला प्रतिस्पर्धाबाट नै मजदुरहरूले रोजगार पाएको बताए ।
माओवादीले जनयुद्धताका स्थानीय स्तर तथा आफ्नो पहुँच भएको क्षेत्रमा जुवा–तास खेल्न तथा जाँडरक्सी उत्पादनमा प्रतिबन्ध नै लगाएको थियो । माओवादी नेतृत्वकै सरकारका पालामा गृहमन्त्री वामदेव गौतमले क्यासिनो बन्द गराउने भन्दै प्रहरीलाई राजधानीको दरबारमार्गस्थित अन्नपूर्ण क्यासिनोमा छापा मार्न निर्देशन दिए लगत्तै वाईसीएल र माओवादी मजदुर संगठनहरू प्रहरीविरुद्ध प्रतिवादमा उत्रिएका थिए ।
तत्काल क्यासिनो तथा जाँडरक्सी उत्पादनमा रोक लगाउँदा हजारौं मजदुरहरूले रोजगारी गुमाउने भएकाले आफूहरू कुनै निर्णयमा पुग्न नसकेको वाईसीएल उपत्यका इन्चार्ज तथा सभासद चन्द्रबहादुर थापा सागरले बताए ।
माओवादीको एकलौटी सत्ता आएपछि क्यासिनो तथा मदिराजन्य पदार्थ उत्पादनमा रोक लगाउने पार्टीको रणनीति रहेको उनले खुलासा गरे । माओवादीले मजदुरहरूलाई बन्द, हड्ताल, चक्काजाम तथा अन्य विरोध लगायतका कार्यक्रममा प्रयोग गर्ने गरेको छ । तर उद्योगी–व्यवसायीहरू माओवादीको यो शैलीप्रति सन्तुष्ट छैनन् । काम छाडेर आन्दोलनमा जाने मजदुरहरूलाई ‘नो वर्क–नो पे’ को व्यवस्था गर्नुपर्ने व्यवसायीहरूको भनाइ छ ।
होटल तथा उद्योग कलकारखानामा कार्यरत माओवादी सम्बद्ध कर्मचारीहरू योङ कम्युनिस्ट लिग (वाईसीएल) तथा मजदुर संगठनसँग आबद्ध रहेको सागरले बताए । मजदुर संगठन र वाईसीएलले उनीहरूबाट मासिक लेवीसमेत उठाउँदै आएको छ । आफू समर्थित मजदुर÷कर्मचारीलगायतबाट उठाएको लेवी उपत्यकाका तीन जिल्लामा रहेका आफ्ना पूर्णकालीन कार्यकर्ताको भरणपोषणका लागि खर्च हुने सागरको भनाइ छ ।
वाईसीएल तथा मजदुर संगठनले आबद्ध कर्मचारी÷मजदुर तथा कार्यकर्ताबाट लेवीबापत न्यूनतम २० देखि माथि जति पनि रकम उठाउने गरेका छन् । सागरले उपत्यकामा मात्रै वाईसीएलका १६ सय पूर्णकालीन कार्यकर्ता रहेको र उनीहरूको भरणपोषण संगठनले नै गर्नुपर्ने भएका कारण लेवी उठाउनु परेको दाबी गरे ।
तर माओवादी इतरका राजनीतिक दलहरूले भने वाईसीएलको यो स्वरूपलाई अर्धसैनिक संरचनाका रूपमा भएको भन्दै चित्रण गर्दै आएका छन् । करिब ९ सय कर्मचारी रहेको नेपालकै सबैभन्दा पुरानो पाँचतारे होटल सोल्टीमा मात्रै माओवादीका ३ सय हाराहारी कर्मचारी÷मजदुर कार्यरत छन् । यसैको हाराहारीमा अन्य तारे होटलमा उनीहरू संलग्नता छ । पुष्पकमल दाहाल प्रचण्डको नेतृत्वमा रहेको सरकारका पालामा माओवादीले आफ्ना कार्यकर्तालाई राजनीतिक दबाबमा तारे होटलमा भर्ती गराएको थियो । पाँचतारे होटलका एक अधिकारीले वाईसीएल तथा मजदुर संगठनका नाममा माओवादीले आफ्नो खर्च होटल तथा कार्यरत कर्मचारीहरूबाटै चन्दा मागेर जुटाउने गरेको खुलासा गरे । उनका अनुसार करिब १६ सयको हाराहारीमा रहेका राजधानीका तारे होटलका मालिकहरूबाटै माओवादीले ‘चन्दा सहयोग’ भन्दै महिनामा लाखौं रकम उठाउँदै आएको छ । “चन्दा नदिए होटलमा नै कार्यरत कर्मचारी तथा कामदारमार्फत आन्दोलन गर्छन्, अनि बाध्य भएर चन्दा दिनुपर्ने बाध्यता छ,” ती अधिकारीले भने ।
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक