Breaking News.......
![](https://blogger.googleusercontent.com/img/b/R29vZ2xl/AVvXsEgp4fEOWtVVl2RzdgvxeadD5UdzoWUESi7eg735b8HAsHYfHR0FE3U-fAUHBri4CY-JEqFPg_7_suN6VYqTmNHZaOkRqSZqM_ApukaP3qNjtztzhXSJXip2gnI2kcK9_522u8BGMhegQpA/s200/1621135340%255B1%255D.jpg)
माओवादीका उपाध्यक्ष डा. बाबुराम भट्टराईले राजधानीको भृकुटी मण्डपमा भइरहेको पार्टीको जनबिद्रोह सम्बन्धी प्रशिक्षण बहिस्कार गरेका छन् । उनी कार्यक्रम स्थल आएर पनि भित्र नपसी फर्केका हुन् । भट्टराईले आफ्नो फरक मतलाई तलसम्म लैजान नदिएको र प्रशिक्षणमा आफुलाई बोल्न दिने कार्यक्रम नभएको भन्दै प्रशिक्षणलाई बहिस्कार गरेका जनाइएको छ । अध्यक्ष पुष्पकमल दाहाल र उपाध्यक्ष मोहन बैद्यको प्रतिवेदन मिलाएर जनबिद्रोहको लाइन पारित भएपछि भट्टराईले केन्द्रीय समितिको बैठकमा असहमति राख्दै फरक मत राखेका थिए । उनको फरक मतलाई पनि पार्टीको तल्लो तहसम्म छलफलमा लैजाने निर्णय भएको थियो । सोमबारदेखि सुरु भएको जनबिद्रोह सम्बन्धी प्रशिक्षणमा उनको प्रतिवेदनलाई स्थान नदिएको र आफुलाई बोल्न नदिएकोलाई पूर्व निर्णय माथिको धोका भन्दै उनले कार्यक्रम बहिस्कार गरेका हुन् । भृकुटी मण्डपमा नेवा र ताम्सालिङ् राज्य समितिका गरी करिव चार हजार कार्यकर्तालाई माओवादी अध्यक्ष दाहालले प्रशिक्षण दिइरहेका छन् ।
aba e-nai Babu Ram Bhattarai ko matrai aas chha .......yo des e-nle banaye vane banyo natra aru bata aas garne thau dekhidain..........
ReplyDelete