माओवादी मानसिकरूपले विभाजित, घोषणाको पर्खाइमा, डा. बाबुराम आफ्नो पार्टीको नाम के राख्ने विषयमा बुद्धिजिवी कार्यकर्ता बीच !

माओवादी भित्रको विवाद उत्कर्षमा पुगेको छ। पार्टीका सम्पूर्ण शाक्तिहरू विभाजित भईसकेको सञ्चारमाध्यमहरू आइसकेको छ। माओवादी लडाकु, विद्यार्थी संगठन, बुद्धिजिवी संगठन, मजदुर संगठन, वाइसियल लगायत विभिन्न जनवर्गीय संगठन र जातिय मोर्चाहरू पनि विभाजित भइसकेको छन्।माओवादीका माथिदेखि तलमा स्तरसम्मका कार्यकर्ताहरू माझ पार्टी विभाजन हुन लागेको कुराले चर्चा पाएको छ भने केही नेता र कार्य कर्ताहरू आफ्नो पद मजदुत पार्न जुटी सकेका छन्। काठमाडौंमा अध्यक्ष उपाध्यक्षहरूले आफ्नो निवासमा पार्टी विभाजनको कुरा गर्दै बैठक गरे झैं जिल्ला र गाउँ इकाइ कमिटीहरूमा पनि विभाजनका कुरा चलेको छ। जिल्ला स्तरीय नेताहरूमा केन्द्रका नेताहरूको फोन र एसएमएस पनि निकै आउन थालेको
 राजधानीकै एक कार्यक्रममा नेताहरूले बताएका छन्। फोनमा आफ्नो पकड राम्रो राख्नुस र तयार भएर बस्नुस भनी नेताले सार्वजनिक कार्यक्रममै भनेका छन्। माओवादीका कार्यकर्ताहरू मानसिक रूपले विभाजन भई सकेको र घोषणाको पर्खाइमा बसेको माओवादी सभासद्हरूकै मुखबाट सुन्न पाइन्छ। एकीकृत नेकपा माओवादी फुटे, डा. बाबुराम भट्टराईले आफ्नो पार्टीको नाम के राख्ने विषयमा बुद्धिजिवी कार्यकर्ता बीच बहस सुरू भएको छ।