(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20120115

२०५५ सालको माघे सक्रान्तीमा यही रिडी मा मैले नेपाल टेलिभिजन र रेडियो नेपालका मेरा सहकर्मी दर्जनौं कलाकारहरु लिएर ३ दिन सम्म कार्यक्रम गरेको थिएँ त्यस पछी भने म मेरो यो प्यारो रिडी र माघे सक्रान्ती मेला हरेक बर्ष मिस गरिरहेको छु !


बेत्रावतीमा गोरु जुधाएर माघे सङ्क्रान्ति पर्व मनाइएको छ
नुवाकोट जिल्लाको तारुका र गेर्खु गाविसको बेत्रावतीमा गोरु जुधाएर माघे सङ्क्रान्ति पर्व मनाइएको छ । तारुका गाविसमा सय वर्ष भन्दा लामो समयदेखि हुँदै आएको गोरु जुधाएर माधे सङ्क्रान्ति मनाउने
परम्परलाई यसवर्ष पनि निरन्तरता दिदै तारुका-५ चन्दनीमा नौँ हल गोरु जुधाइएको छ । उता बेत्रावतीमा भने पाँच हल गोरु जुधाइएको छ ।
तारुका मेला व्यवस्थापन समितिका अध्यक्ष जनकराज ढुङ्गानाका अनुसार कृष्णबहादुर अधिकारी, शिवदास श्रेष्ठ, प्रकाश रेग्मी लगायतकाको गोरु विजयी भएको छ । विजेता गोरु धनीलाई नगद रु. एक हजार र उप विजेता गोरु धनीलाई रु. ५ सय पुरस्कार समेत प्रदान गरिएको छ । गोरु जुधाई हेर्न उर्जामन्त्री तथा एकीकृत नेकपा माओवादीका सचिव पोष्टबहादुर बोगटी पनि आउनुभएको थियो । गोरुको लडाई हेर्नकै लागि २० हजार भन्दा बढीको सहभागिता रहेको अनुमान आयोजन समितिका सचिव शिवप्रसाद पनेरुको छ ।
गोरुले प्रतियोगिता जितेको खण्डमा गाउँमा आफ्नो फुर्ति बेग्लै हुने भएकोले पनि तारुका र धादिङ्ग जिल्लाको खाल्डे गाविसका किसानहरूले गोरु पालनमा विशेष ध्यान पुर्‍याउने गरेका छन् । समितिले लडाईमा घाइते हुने र मृत्यु हुने गोरुका धनीलाई क्षतिपुर्तीको समेत व्यवस्था गरेको छ ।
बझाङ्गी राजा जयपृथ्वीवहादुर सिंह तारुका-५ चन्दनी स्थित मामाघर आउदा भानिजलाई मनोरञ्जन दिन उनका मावालीले बाजागाजा सहित साँढे जुधाउने परम्परा आयोजना गराएका थिए । यही परम्परा अन्ततः वरपरको गाँउलेहरूको लागि पनि मनोरञ्जनको माध्याम र खेल जात्रा बनेको हो । स्थानिय झिङ्गटी घरवाट सुरु भएको उक्त खेल परम्परा प्रत्येक वर्ष माघे संक्रान्तिका दिन आयोजना गरिन्छ । माघे सङ्क्रान्तिमा आफुले पालेको साँढे जुधाए नाम कमाउने धुनमा गाउँलेहरू आफू गुन्द्रुक खाएर गोरुलाई मास खुवाई पाल्छन् ।
दशै तिहार जस्ता हिन्दु नेपालीहरूको महत्वपुर्ण चाडपर्वमा समेत घर नर्फकनेहरू माघे संक्रान्तिमा भने साँढेको लडाई हेर्न घर आउने चलन यहाँ रहेको छ । तारुकामा हुन लागेको गोरु जात्राले आन्तरिक तथा बैह्य पर्यटकलाई मनोरञ्जनको लागी गतिलो माध्याम हुनसक्ने तारुकावासीको भनाई रहेको छ । विगत केही वर्षदेखि नुवाकोट, धादिङ्ग, रसुवा, काठमाडौँ लगायतका जिल्लाबाट दर्शककोहरूको उपस्थिति वढ्न थालेपछि जात्रा व्यवस्थापनको लागि आयोजकले सयौको संख्यामा स्वयम्सेवकहरू समेत खटाउने गरेको छ । गाउँलेहरूले गएको सालबाट आफ्नो अलिअलि जग्गा सहयोग गरेर गोरु जात्राको लागि मैदानको समेत जोहो गरेका छन् । १२ रोपनीको वारीको पाटो गोरु जुधाउन छुट्टयाइएको जानकारी स्थानिय जनक आलेले दिएका छन् ।

तस्वीर: कपिलदेव खनाल र विकाश श्रेष्ठ/

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक