(संसारका १७५ देशमा पढिने, फोहोरी राजनीति
र छाडापनबाट
पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20120204

शनिबारका दुई कबिताहरु केबल तपाईंका लागि मात्र

कठै मेरो नेपाल !
 नयाँ नेपाल चिर्दै चिर्दै एघार पो गराउने रे
बाउन छेत्री सबैलाई दैलेख तिर भगाउने रे
जात जातिका नाममा सबले राज्य पाउने भए
थाहा छैन नेपालका नेपाली ति कता गए
नेवार, मगर, गुरुङ, तामाङ्, लिम्बु, दलित सबलाई भाग
स्वायत्त मधेश एक प्रदेश पुरा हुने भयो माग
जात जातिका आधारमा देश टुक्रा पर्ने भयो
हेर्दा हेर्दै मेरो सुन्दर शान्त नेपाल कता गयो
काँक्रो चिरे जस्तै चिर्दै देश बाँडी खाने भए
नेपाल र नेपालीको अस्तित्वनै लाने भए
राष्ट्रिय त्यो पोशाक र हिन्दू धर्म पनि खाए
देश चिर्दै नेताहरु भाग बिला पनि लाए
लोकतन्त्र गणतन्त्र भन्दै देश लाई यहाँ ल्याए
कठैबरा हाम्रो नेपाल नेताले त भ्याउनुभ्याए !     
 आजकलका ठिटा ठिटी
बुवा आमा भन्ने लाई हाय भनी बात गर्छन्
आदर भन्ने कुरै छैन हात मिलाउदै घात गर्छन्
ढाम मार्दै कुममा हात राखी अपमान गर्छन्
आजकलका ठिटा ठिटी यस्तै यस्तै काम गर्छन्
मान्यजनको अपमान हुने सधै कुरा गर्छन्
२० / २५ का अल्लारेले ८४ का कुरा गर्छन्
चिट्ठा पर्या ग्रीन कार्डले संसार हाँक्या कुरा गर्छन्
छोइसक्नु छैनन हजुर उन्कै ठुला कुरा गर्छन्
मान सम्मान र इज्यत के हो भन्ने कुरो अत्तो छैन
आफ्नो बिगत चट्ट भुल्छन हैसियत को पत्तो छैन
बुढाबुढी मान्यजनले बरु उल्टै लाज मान्छन्
उल्टो उल्टो गर्ने हरु बहादुरीको काज मान्छन
- राम प्रसाद खनाल, भर्जिनिया अमेरिका   
          Feb. 4, 2012     

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक