(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20120925

काठमाडौंमा पानीको अझै हाँहाकार बढ्ने भयो, मेलम्चीको ठेक्का रद्ध, अब के हुने टुंगो छैन, मेलम्चीको सपना देख्दा देख्दै जाने भयो युग !

सरकारले काठमाडौंको तीर्खा मेटाउने एक मात्र आयोजनाका रुपमा हेरिएको मेलम्ची खानेपानी आयोजना निर्माण गर्ने जिम्मा पाएको चिनियाँ कम्पनीसँगको निर्माण सम्झौता तोड्ने निर्णय गरेको छ । मेलम्ची खानेपानी विकास समितिको कार्यकारी समितिको मंगलबार बसेको बैठकले आयोजनाको सुरुङ खन्ने ठेक्का पाएको चाइना १५ रेल्वे ब्युरो कर्पोरेसनसँगको सम्झौता तोड्ने निर्णय गरेको हो । समितिका कार्यकारी निर्देशक कृष्णप्रसाद आचार्य भन्नुभयो-’हामीले ठेक्का सम्झौता तोड्ने सूचना दिएका छौं र जमानत वापतको रकम हाम्रो खातामा जम्मा गर्न भनेका छौं ।’ सुधारका लागि दिएको सूचना अनुसार काम नभएको र कम्पनी स्वयंमले ठेक्का तोड्ने घोषणा गर्दै सर्तहरु अघि सारेकाले समिति ठेक्का तोड्ने निर्णयमा पुगेको उहाँले बताउनु भयो । ठेक्का पाएको कम्पनीले हालै मात्र एकतर्फी रुपमा ठेक्का तोडेको घोषणा गरेको थियो । त्यसलगतै उसले आफ्नो केही सर्तहरु
पूरा भए पुनः काम गर्ने बताएको थियो । यसप्रति सरकारले ऋणदाता एसियाली विकास बैंक असुन्तष्ट थियो । पूर्व सम्झौता अनुसार सन् २०१३ डिसेम्बरसम्ममा कम्पनीले सुरुङ खनिसक्नु पर्ने हो । तर, अहिलेसम्म २१ किलोमिटरमध्ये साढे ६ किलोमिटर मात्र सुरुङ खनिएको छ । समितिका कार्यकारी निर्देशक आचार्यका अनुसार अब चिनियाँ कम्पनीले एकसाताभित्र औजार र कागजहरु सरकारलाई बुझाइसक्नुपर्छ ।अब मेलम्ची खानेपानी विकास समितिले नयाँ ठेक्काका लागि बोलपत्र आहृवान गर्नेछ ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक