काठमाण्डौं । एक ५६ बर्षकी गृहिणी हरेक विहान साढे नौ बजे झोला
बोकेर घरबाट निस्किन्छिन् । उनलाई नेकपा-माओवादीका अध्यक्ष मोहन बैद्यकी
पत्नी भनेर चिन्नेहरुले ठान्लान् पार्टी कामको चटारोमा दौडिएकी होलिन् ।
तर, यतिबेला उनी हान्निदै हुन्छिन् स्कूलतिर । आमगृहिणी एवं नेता-पत्नीहरुको भन्दा विल्कुलै फरक जीवनशैली छ सुष्मा
पोखरेलको । उनी गृहिणी मात्रै नभएर एक स्कुले विद्यार्थी पनि हुन् । घर
व्यवहार र पढाइलाई सँगसँगै अगाडी बढाउन सजिलो छैन् । ‘लौ आज मिसले पिट्नु
हुने भो, होमवर्क नै सकेको छैन् । बिहान अलि सवेरै उठ्नुपर्ने रै’छ । आज
घरमा अलि धेरै भेट्न मान्छे आए, खाना, खाजा गर्दा पढ्ने समय नै पुगेन ।’
घरबाट निस्किएपछिको करिव २० मिनेट हिँडाइएमा उनको मनमा यस्तै तर्कना
खेलिरहेका हुन्छन् । उमेरले
गुरुआमाभन्दा जेठी सुष्मालाई विद्यार्थी बनेर नातिनी उमेरका
नानीहरुकै लहरमा मिसिन कुनै संकोच लाग्दैन् । उनी पढ्ने गोंगबुस्थित चेतना
महिला माध्यमिक विद्यालय मुल सडकबाट देब्रेतर्फ करिब २ सय मिटर भित्री बाटो
छ । टिनको छानो भएको एउटा कोठामा १३/१४ बर्षका १०/१२ जना छात्रा हुन्छन् ।
यो हो कक्षा सात । सुष्माको सिटचाँही देव्रेतिरको अघिल्लो बेन्च रहेछ। कक्षाकोठामा पुग्नासाथ झालामा मिलाएर राखेको किताब कापी अनि कलम निकाल्छिन्
। पावरदार चस्मा आँखामा भिर्छिन् । आडैकी किशोरी साथीलाई कानमा सुटुक्क
सोध्छिन्, आजको पाठ कुन रे ‘ पाको भइसकेको दिमागले सायद सजिलै सम्झदैन्
क्यारे ।
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक