अमेरिकाका लागि नेपाली राजदुत डा.शंकर शर्माले पूर्व राष्ट्रपति क्लिन्टनलाई भेट गरि फाउण्डेशनलाई नेपालमा बिस्तार गर्न अनुरोध गरे, बिल क्लिन्टन सकारात्मक देखिए

अमेरिकाका लागि नेपाली राजदूत भएर आए देखी नै नेपाल र नेपालीको हितका लागि, बिगतका राजदूतहरु भन्दा अली फरक ढंग बाट काम गरिरहेका र सफल पनि भैरहेका डा शंकर शर्माले फेरी अर्को खुशी थप्न लागेका छन नेपाल र नेपाल का लागि । उनका यि र यस्ता कदम ले दिर्घकालिन रुपमा ठुलो महत्व राख्न सक्छ । अमेरिकाका लागि नेपाली राजदुत डा.शंकर शर्मा र उनकी धर्मपत्नी कल्पना शर्माले  पूर्व राष्ट्रपति क्लिन्टनलाई भेट गरि फाउण्डेशनलाई नेपालमा बिस्तार गर्न अनुरोध गरेका छन् । विश्वका एक सय ८० देशहरुमा  स्वास्थ्य, शिक्षा, पर्यावरण, आर्थिक समृद्धि, सुशासन लगायतका बिषयहरुमा सक्रिय रहेको क्लिन्टन फाउन्डेशनलाई नेपालमा बिस्तार गर्ने प्रस्तावप्रति फाउन्डेशनका संस्थापक पूर्व अमेरिकी बिल क्लिन्टन सकारात्मक देखिएका छन् ।  प्रतिउत्तरमा क्लिन्टनले नेपालप्रति आफ्नो न्यायो सदासयता रहेको र यस बिषयमा आफूले सक्दो सहयोग गर्ने बताएको राजदुत शर्माले बताए । क्लिन्टनको गृहराज्य अर्कान्सासको लिटिल रकमा अवस्थित फाउन्डेशनको कार्यालयको भेट निकै सौहार्दपूर्ण रहेको शर्माले बताए ।  सन् २००० मा आफनो आठ बर्षे राष्ट्रपति कार्यकालको समाप्तीपछि परिवर्तित भुमण्डलीकरण चुनौतीमा मानवीय सशक्तिकरणीय उदेश्यका साथ क्लिन्टनले फाउन्डेशनको स्थापना गरेका थिए । फाउन्डेशनको कार्यक्रमले अफ्रिकी महादेशमा झण्डै पचास लाख एड्स रोगीहरु लाभान्वित भइसकेका छन् । यसका अतिरिक्त विविध
क्षेत्रमा फाउन्डेशन अन्र्तगत विश्वभर दुई हजार तीन सय कमिटीहरु सक्रिय रहेका छन् ।डा शर्मालाई यस सुखद समाचार का लागि धन्यवाद र बधाई नेपाल मदर दत कमको तर्फबाट । उनको कार्यकाल यि र यस्तै सुखद समाचारहरुको माझमै सफल ढंगले चलिरहोस् हाम्रो कामना पनि ।