(संसारका १७५ देशमा पढिने, फोहोरी राजनीति
र छाडापनबाट
पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20130118

रोजगारीको शिलशिलामा यूएईको आबुधाबी पुगेका अर्घाखाँची सन्धिखर्कका ४६ बर्षीय चन्द्र बहादुर थापाको अर्घाखाँची डिर्भनाका ४० वर्षीय एक बहादुर बस्यालले विहीवार छुरी प्रहार गरी हत्या !

अवुधावी । यूएईमा एक नेपालीले आफ्नै सहकर्मीको हत्या गरेका छन् । रोजगारीको शिलशिलामा यूएईको आबुधाबी पुगेका अर्घाखाँची सन्धिखर्क चुत्रावेशी भत्तीटोलाकाका ४६ बर्षीय चन्द्र बहादुर थापाको अर्घाखाँची डिर्भनाका ४० वर्षीय एक बहादुर बस्यालले विहीवार छुरी प्रहार गरी हत्या गरेका हुन् । यूएईको आबुधाबीमा रहेको अल हुसाम जनरल कन्ट्राक्टिङ कम्पनीमा कार्यरत उनीहरुवीच भएको सामान्य झगडाको बिषयले उग्र रुप लिएपछि बस्यालले थापामाथि छुरी प्रहार गरेका थिए । मृतक थापा गएको ६ वर्ष देखि नै सोही कम्पनीमा काम गर्दै आएका थिए ।  बस्यालले थापाको पेटको मध्य भागमा लगातार तीन चार पटक छुरी प्रहार गरेको र अत्यधिक रगत बगेकोले थापाको घटनास्थलमै ज्यान गएको उनीसंग एउटै कोठामा बस्ने एक नेपालीले जानकारी दिए । उनका अनुसार कोठाको लाइट बाल्ने निभाउने गरिरहेका बस्याललाई सबैले बत्ती निभाएर सुत्न आग्रह गरेको तर बस्यालले आफुले मदिरा खाँदै जागाराम बस्ने भोली शुक्रवार बिदा छ भन्दै अटेर गरिरहेको बिषयमा सामान्य भनाभन भएको थियो । ‘तिमी यसरी सधैं मदिरा सेवान नगर , घर परिवार साथी भाई इस्ट मित्रले भनेको पनि मनमा लिने गर, भन्दै थापाले सम्झाउदा बस्याल आवेशमा आई थापा निदाएपछि एक्कासी उनी माथि धारिलो चक्कु प्रहार गरेका थिए । मृतक थापा र बस्याल गएको ४ वर्ष यता आबुधाबीको मुसाफा ४० नम्बर मा रहेको कम्पनीको मजदुर क्याम्पमा एउटै कोठामा सगैं बस्ने गर्थे । मृतक
थापाका छोरा पनि सोही कम्पनीको अल झविस क्षेत्रमा कार्यरत छन् । मृतक थापाका एक श्रीमती, एक छोरा र एक छोरी छन् । हत्याका आरोपितलाई अहिले आबुधाबी प्रशासनले पक्राउ गरेको छ । अबुधाबीस्थित नेपाली दूतावासका द्वितीय सचिव लोकबहादुर थापा क्षेत्रीले हत्याबारे थप अनुसन्धानका लागि शब नचाहिने भएपछि नेपाली पठाइने वताउनु भएको छ ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक