(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20130331

राप्रपा नेपालका अध्यक्ष कमल थापाले असारमा चुनाव नभए मंसिरमा हुने सम्भावना नरहेको बताए


राप्रपा नेपालका अध्यक्ष कमल थापाले असारमा चुनाव नभए मंसिरमा हुने सम्भावना नरहेको बताएका छन् । अन्तरिम चुनावी सरकार गठन भएको १८ औँ दिन आइतवार हेटौंडामा आयोजित आमसभालाई सम्बोधन गर्दै अध्यक्ष थापाले यस्तो बताएका हुन् । ‘असारमा चुनाव हुने सम्भावना टर्दैछ, मंसिरमा चुनाव गर्ने अवस्था सिर्जना भए चार राजनीतिक दल नै चुनावको विरोधमा लागिसकेका हुन्छन्’, थापाले भने । उनले चार राजनीतिक दल र हालको अन्तरिम चुनावी परिषद् नै चुनाव गराउने मनस्थितिमा नरहेको बताए । ‘चार दलले राजनीतिक सिन्डिकेट खडा गरेर जनतालाई झुक्याएका मात्र हुन्, चुनाव असारमा हुने सम्भावनामाथि कालो बादल मडारिन थालेको छ’, उनले भने । चार दलले चुनाव पन्छाउनकै लागि खिलराज रेग्मी र नीलकण्ठ उप्रेतीलाई श्रीखण्डको रूपमा उभ्याएको उनले बताए । जनताले मालिक भएको महसुस गर्ने अवसर नै चुनाव भएको र राप्रपा नेपालले तीन वर्षअगाडिदेखि चुनावको माग गर्दै आएको दाबी गर्दै थापाले चार दल जनताको म्यान्डेटलाई अपमान गर्दै विदेशीको इशारामा चलेको आरोप लगाए ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक