![](http://www.gorkhapatraonline.com/images/Leader/Ram%20Bahadur%20Thapa%20Badal.jpg)
नेकपा माओवादीका महासचिव रामबहादुर थापा बादलले बाह्य शक्तिका कारण
मुलुकमा जटिल राजनितीक संकट बढेको बताउनुभएको छ । नेपालका राजनितिक दलहरु
बाह्य शक्तिको दलाल बनेका कारण यस्तो संकट बढेको बादलको भनाई छ ।
सुगौलीसन्धी पछि अहिले नेपालमा बढि चलखेल भएको र लोकमान प्रकरणबाट
छताछुल्ल भएको बादलले दावि गर्नुभयो । बहालवाला प्रधानन्याधिस नेतृत्वको
सरकार र सरकारी सेवाका लागी अयोग्य मानिएका लोकमान सिंह कार्कीको नियुक्त
विदेशी चलखेलको पछिल्लो उदाहरण रहेको महासचिव बादलले बताउनुभयो । विदेशीले
आफ्नो स्वार्थ पुर्तिका निम्ती गरेको चलखेलमा हाम्रा नेताहरु मतियार बनेका
छन् त्यो नेपाली जनतालाई मान्य छैन बादलले भन्नुभयो । संविधान सभा भाग दुई
नाम दिएका बादलले अबको निर्वाचनबाट नेपाललाई सिक्कीमिकरण गर्न खोजीएको
बताउनुभयो । उहाँले सिक्कीममा पनि निर्वाचन भएको र बहुमत सदस्यले भारतमा
मिसाएको प्रसङग उल्लेख गर्दै नेपालमा पनि त्यस्तै अवस्था सृजना गर्न
खोजीएको दावि गर्नुभयो । उहाँले मुलुकको राजनितीक समस्या कर्मचारी र विदेशी
प्रभुले नभई राजनितिक दल, नागरीक समाज र
बौद्धिक समाजले गर्नुपर्ने
बताउनुभयो ।
महासचिव बादलले राजनितिक समस्या समाधानको लागि अहिले
भईरहेको प्रयासहरु गलत भएकाले त्यसलाई सच्चाएर सवै राजनितिक दलहरुको विचमा
गोलमेच सम्मेलनको आयोजना गर्नुपर्ने बताउनुभयो । निर्वाचनबाट जारी राजनितिक
समस्या समाधान गर्ने भनीए पनि असंवैधानिक, अलोकतान्त्रिक र अवैधानिक
विधिबाट गठीत सरकारको नेतृत्वमा आफुहरु निर्वाचनमा नजाने बादलको भनाई छ ।
सरकारले वार्ताको नाममा नाटक मञ्चन् गरीरहेको उहाँले बताउनुभयो । उहाँले
वार्ताका लागि २५ बुँदे शंसोधन खारेज गरेर सरकारले खुल्ला वातावरण
बनाउनुपर्ने बताउनुभयो । सरकार सशर्त र हामि निशर्त भन्ने हुँदैन साँच्चीकै
वार्ता गर्न खोजेको हो भने सरकार सवै विकल्पमा छलफल गर्न तयार हुनुपर्छ
बादलले भन्नुभयो । उहाँले निर्णायक वार्ता राष्ट्रपतिसँग हुने बताउनुभयो ।
वार्ता र संवादले समस्या समाधान नभए शान्तिपुर्ण सडक आन्दोलनबाट निकास
खोजीने उहाँले बताउनुभयो ।
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक