(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20130717

जनताको ढाड सेकी सेकी राष्ट्रपती देखी कर्मचारी सम्मको तलब बढाइयो, तलब बढे लगत्तै महँगी बढ्न शुरु, कसलाई के मतलब जनताको !

राष्ट्रपति डा. रामवरण यादवको तलब १ लाख ९ हजार ४ सय ९ रुपैयाँ पुगेको छ । सोमबार बालुवाटारमा बसेको मन्त्रिपरिषद् बैठकले राष्ट्रपति, उपराष्ट्रपति, मन्त्रिपरिषद् अध्यक्ष, मन्त्री, राज्यमन्त्रीलगायतको तलब बढाएको हो । बजेट भाषणमा कर्मचारीको तलब बढेपछि मन्त्रिपरिषद्ले राष्ट्रपतिसहित सबैको तलब बढाएको हो । यसअघि राष्ट्रपतिको मासिक तलब ९२ हजार ७ सय २० रुपैयाँ रहेको थियो । सो तलबमा १८ प्रतिशतले वृद्धि भई १ लाख नाघेको हो । यसैगरी, उपराष्ट्रपति परमानन्द झाको तलब ७८ हजार ५ सय ५२ रुपैयाँ कायम भएको छ । अन्यको तलब पनि १८ प्रतिशतका दरले बढेको हो । सरकारले आइतबार बजेट भाषणमार्फत सरकारका कर्मचारीको तलब बढाएको थियो । यसअघि उपराष्ट्रपतिको तलब ६६ हजार ५ सय ७० रुपैयाँ थियो । मन्त्रिपरिषद् अध्यक्ष खिलराज रेग्मीको तलब ५६ हजार १ सय ९१ पुगेको छ । यसअघि कायम रहेको ४७ हजार ६ सय २० रुपैयाँबाट बढेर सो रकम पुगेको हो । त्यस्तै, उपप्रधानमन्त्रीको तलब ४० हजार १ सय ७० बाट बढाएर ४७ हजार ४ सय पु¥याइएको छ । मन्त्रीको तलब ४४ हजार ३ सय २० पुगेको छ । यसअघि ३७ हजार ५ सय ६० रुपैयाँ रहेको थियो । राज्यमन्त्रीको तलब ३५ हजार ६ सयबाट बढेर ४२ हजार ८ सय पुगेको छ । यस्तै, सहायक मन्त्रीको ३४ हजार ८ सय १० बाट बढेर ४१ हजार ७५ रुपैयाँ पुगेको छ । संविधानसभा÷संसद् अध्यक्ष वा सभामुखको ४१ हजार ४ सय ८० बाट बढेर ४८ हजार ९ सय ४६ रुपैयाँ पुगेको छ । संविधानसभा उपाध्यक्ष÷उपसभामुख, विपक्षी दलका नेता, मुख्य सचेतकको तलब ३७ हजार ५ सय ६० बाट बढेर ४४ हजार ३ सय २० पुगेको छ । विपक्षी दलको प्रमुख सचेतक र संविधानसभा संसद् सभापतिको ३५ हजार ६ सयबाट बढेर ४२ हजार पुगेको छ । यसैगरी, संसद्मा आउने सभासद्को तलब ३४ हजार ३० बाट बढेर ४० हजार १ सय ५५
रुपैयाँ पुगेको छ । राष्ट्रिय योजना आयोगको उपाध्यक्षको ३५ हजार ६ सयबाट बढेर ४२ हजार ८ पुगेको छ । राष्ट्रिय योजना आयोगका सदस्यको ३८ हजार २ सय ८ रुपैयाँ पुगेको छ । नयाँ तलबमानअनुसार सर्वोच्च अदालतका प्रधानन्यायाधीशको तलब ५३ हजार ५ सय ७२ पुगेको रुपैयाँ पुगेको छ । यस्तै, न्यायाधीशको ४४ हजार ३ सय दुई रुपैयाँ कायम भएको छ । यसअघि प्रधानन्यायाधीशको ४५ हजार ४ सय र न्यायाधीशको तलब ३७ हजार ५ सय ६० थियो ।
संवैधानिक निकायका प्रमुखको तलब पनि बढेर ४२ हजार ८ पुगेको छ भने पदाधिकारीको ३९ हजार ६ सय ९५ पुगेको छ । पुनरावेदन अदालतका मुख्य न्यायाधीशको ३५ हजार ६ सयबाट बढेर ४२ हजार ८ पुगेको छ । पुनरावेदन अदालतका न्यायाधीशको ३९ हजार ६ सय ९५ पुगेको छ । जिल्ला न्यायाधीशको २८ हजार ४ सय १० बाट बढेर ३३ हजार ५ सय २३ पुगेको छ । महान्यायाधिवक्ता र न्यायपरिषद् सदस्यको तलब बढेर ४४ हजार ३ सय दुई रुपैयाँ पुगेको छ ।
दुवैको ३७ हजार ५ सय थियो । यस्तै, संसद् सचिवालयका महासचिवको तलब ३९ हजार ६ सय ९५ र संसद्का सचिवको ३७ हजार ३ सय ८२ पुगेको छ । सर्वोच्चका प्रधानन्यायाधीश, न्यायाधीश, पुनरावेदन अदालतका न्यायाधीश, संसद्का महासचिव र सचिवको हकमा तलबमा १ हजार भत्ता थप उपलब्ध हुनेछ

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक