(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20130704

एक बर्ष पनि टिक्न सकेन इजिप्टको लोकतन्त्र, नेपालकै लोकतन्त्र, गणतन्त्रको जस्तो बेहाल भए पछी इजिप्टको सैनिकले राष्ट्रपतिलाई बर्खास्त गरी प्रधान न्यायाधिशलाई सत्ता सुम्पियो !

लामो समयदेखि संत्ता संकटबाट गुज्रिरहेको इजिप्टमा सैनिक ‘कु’ भएको छ । इजिप्टका सेना प्रमुखले त्यहाँको संविधान निलम्बित गरी राष्ट्रपति मोहम्मद मोर्सीलाई पदबाट बर्खास्त गरेका छन् । इजिप्टका सेना प्रमुख जनरल अब्देल फताह अल–सीसीले इजिप्टको राष्ट्रिय टेलिभिजन मार्फत सम्बोधन गर्दै नयाँ राष्ट्रपतिको चुनाव नभएसम्म राष्ट्रपतिको जिम्मेवारी त्यहाँका मूख्य न्यायाधीशले सम्हाल्ने बताएको बीबीसीले जनाएको छ । राष्ट्रपतिको चुनाव हुनअघि अन्तरिम सरकारको काम मूख्य न्यायाधीशले हेर्ने जनाइएको छ । इजिप्टमा यसअघिबाटै पदमुक्त राष्ट्रपति मोर्सी र हजारौं विपक्षीबीच पटक–पटक झडप हुँदै आएको थियो । त्यहाँको सेनाले राष्ट्रपतिलाई राजीनामा गर्न दिएको समयसीमा बुधबार साँझ सकिएको थियो । त्यस लगत्तै राजधानी कायरोका कयौं स्थानमा सेनाले गस्ती सुरु गरेको छ भने सयौं सैनिक ट्यांक सडकमा
देखिएका छन् ।

सेनाले राष्ट्रपति मोर्सीलाई पदमुक्त गरेपछि हजारौं मोर्सी विरोधीले सडकमा उत्सव मनाएका छन् भने मोर्सी सर्मथकले सैनिक कुको विरोध गरेका छन् । सैनिक कु पछि राष्ट्रपति मोर्सी सर्मथक उपस्थित इलाकामा सेनाको गस्ती व्यापक गरिएको जनाइएको छ ।

उता, अपदस्थ राष्ट्रपति मोर्सीले भने फेसबुकबाट सेनाले सत्ताकब्जा गरेको टिप्पणी गरेका छन् । उनका सर्मथक र सत्तारुढ मुस्लिम ब्रदरहुडले जनताको विरोधकाबीच झुक्न इन्कार गरेको जनाइएको छ ।

यसअघि सरकार र विपक्षीद्धारा भएको प्रदर्शन र झडपका क्रममा १६ जना मोर्सी सर्मथकका मृत्यु भएको थियो ।

कु पछि सेनाले भने राजनैतिक ‘रोडम्याप’ तयार पारेको र त्यसलाई घोषणा गरी लागू गरिने जनाइएको छ । मोर्सी विरोधीले भने मोर्सी उनको पार्टी ब्रदरहुडले देशमा मुस्लिम एजेन्डा थोपरेको आरोप लगाउँदै उनीहरुले राजीनामा दिनुपर्ने जिकिर गरेका छन् । त्यस्तै सेनाले मोर्सी र ब्रदरहुडका वरिष्ठ नेतालाई देशबाट बाहिर जान निषेध गरेको जनाइएको छ ।

यसैबीच अमेरिकी राष्ट्रपति बाराक ओबामाले इजिप्टको संत्ता संकटप्रति चिन्ता व्यक्त गर्दै चाँडो भन्दा चाँडो जननिर्वाचित शासन लागू होस् भन्ने इच्छा व्यक्त गरेको जनाइएको छ । अमेरिकी कानून अनुसार जननिर्वाचत शासन सेनाबाट अपदस्थ भएको अवस्थामा इजिप्टलाई अमेरिकाले दिंदै आएको सहायता रोकिनेछ । ओबामाले इजिप्टमा अमेरिकी सहायतको समीक्षा गर्न सुझाएको पनि जनाइएको छ ।

मोर्सी ३० वर्ष एकलौटी शासन गरेका राष्ट्रपति होस्नी मुबारकको सत्ता सन् २०११ मा आन्दोलन पश्चात समाप्त भएपछि भएको निर्वाचन मार्फत जननिर्वाचन राष्ट्रपति बनेका थिए ।
तस्वीरः एजेन्सी


No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक