(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20130705

रोल्पा जिल्लाको धवाङ गाविसकी १६ वर्षीया किशोरीलाई बोक्सीको आरोपमा आफ्नै बाबु–आमा र मामाले निर्घात कुटपिट गरे !

रोल्पा जिल्लाको धवाङ गाविसकी १६ वर्षीया किशोरीलाई बोक्सीको आरोपमा आफ्नै बाबु–आमा र मामाले निर्घात कुटपिट गरेका छन् । बोक्सीको आरोपमा आमा–बुवा र मामाले कुटपिट गर्दा धबाङ–१ निवासी संगीता सुनारले कष्ट सहनु परेको छ । उनले बोक्सीको आरोपमा बाबु–आमा र मामाले कुटपिट गरे पछि उनीहरु विरुद्ध प्रहरीमा उजुरी समेत गरिन् । यसबीच, पीडित संगीतालाई बाबु–आमा र मामाले एकहजार पाँचसय रुपियाँ जरिवाना बुझाई खुट्टामा ढोगेर माफी मागेका छन् । उनीहरुले अबदेखि त्यस्तो व्यवहार नगर्ने प्रतिबद्धता प्रहरी समक्ष गरेको रोल्पाका प्रहरी नायब उपरीक्षक ओमबहादुर रानामगरले बताए । केही दिनअघि स्थानीय ‘धामी झाँक्रीले उनका बाबु–आमालाई तेरी छोरीले बोक्सी सिक्दै छे’ भनिदिएपछि आमा दिलसरी सुनार, बुवा चन्द्रमणि सुनार र मामा तिलक परियारले संगीतालाई पटक/पटक कुटपिट गरेका थिए । आमा–बुबा र मामाले बोक्सीको आरोपमा मानसिक यातना दिँदै कुटपिट गर्न थालेपछि बाध्य भएर संगीताले प्रहरीमा उजुरी गरेको बताईन् । ‘मामा र घरमा बाबु–आमाले
दिनदिनै जहाँ भेट्यो त्यहीँ कुट्न थालेपछि प्रहरीमा उजुरी दिएँ,’ संगीताले भनिन्, ‘बाबु–आमा र मामाले जहाँ पायो त्यहीँ कपाल समातेर कुट्न थाले । असह्य भएपछि प्रहरीको शरणमा पुगे ।’ उजुरी पछि प्रहरीले बिहीबार पीडित युवती र बाबु–आमा र मामासँग सोधपुछ गरेको छ । बाबु–आमा र मामाले संगीतालाई यातना दिएको स्वीकार गरेको प्रहरीले जनाएको छ । ‘गाउँमा धामी झाँक्रीले यो त बोक्सी विद्या सिक्दै छे भने पछि कुटपिट गरेका हौं,’ बाबु चन्द्रमणिले बताए । आमा दिलसरीले बोक्सीको आरोपमा छोरीलाई कुटपिट गरेर गलत गरेको भन्दै पछुतो भएको बताएकी छन् ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक