(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20130707

पूर्वराजा ज्ञानेन्द्र शाहलाई शुभकामना दिन जाने सर्वसाधारणको निर्मल निवासमा उल्लेख्य भिड

"नेपाली माटो सुहाउँदो राजनीति गर्नु पर्छ, निषेधको राजनीति गर्नु हुँदैन" : ज्ञानेन्द्र
काठमाडौं, २३ असार । पूर्वराजा ज्ञानेन्द्र शाहले आफ्नो ६७ औं जन्मदिन विभिन्न कार्यक्रम गरेर मनाएका छन् । काठमाडौंको महाराजगञ्जस्थित आफ्नै निवासमा आज (आइतबार) उनले शुभेच्छुक तथा सर्वसाधारणसँग भेट गरेर जन्म दिन मनाएका हुन् । उनलाई शुभकामना दिन जाने सर्वसाधारणको निर्मल निवासमा
उल्लेख्य भिड समेत लागेको थियो । यसैबीच, पूर्वराजा ज्ञानेन्द्र शाहले कसैले पनि निषेध र सर्तको राजनीति गर्न नहुने बताएका छन् । सञ्चारकर्मीसँग कुरा गर्दै ज्ञानेन्द्रले निषेध र सर्तको राजनीति नगर्नु नै वास्तविक प्रजातान्त्रिक ब्यवस्था भएको बताए । ‘नेपाल र नेपाली भूमिको सबैले कदर गर्नुपर्छ,’ उनले भने, ‘नेपाल र नेपालीलाई सुहाउँदो राजनीति गर्न राजनीतिक दलका नेताले बुझ्नु पर्छ ।’ यसैबीच, पूर्वराजा ज्ञानेन्द्रले बाढी पहिरो पीडितलाई राहत हिमानी ट्रष्टमार्फत २५ लाख रुपियाँ राहत सहयोग गरेका छन् ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक