(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20131020

गैरआवासीय नेपाली संघ अन्तराष्ट्रिय समन्वय परिषद्को अध्यक्षमा अष्ट्रेलियाका शेष घले अत्यधिक मतले बिजयी

गैरआवासीय नेपाली संघ अन्तराष्ट्रिय समन्वय परिषद्को अध्यक्षमा अष्ट्रेलियाका शेष घले अत्यधिक मतले बिजयी हुनुभएको छ ।
shesh ghaleकेहीवेरअघि सम्पन्न मतगणनाअनुसार कुल ८ सय २ मतमध्ये घलेले ५१० मत पाउनुभएको छ भने उहाँका प्रतिस्पर्धी तेन्जी शेर्पाले २८० मत पाउनुभयो । यसैगरी उपाध्यक्षमा भवन भट्ट ३४८ मत र टीवी कार्की ३०० मतसहित उपाध्यक्षमा बिजयी हुनुभएको छ ।
महासचिवमा कुमार पन्त ३९५ मतसहित बिजयी हुनुभएको छ भने अर्का प्रतिस्पर्धी राजेन कँडेलले ३६० मत पाउनुभएको छ । सचिवमा रञ्जु थापा २७३ मतसहित बिजयी हुनुभएको छ भने उहाँका प्रतिस्र्धी पुष्पराज तिमल्सिनाले २१० मत पाउनुभएको छ । यसैगरी कोषाध्यक्षमा बद्री केसीले ४७४ मत पाएर बिजयी हुनुभएको छ भने उहाँका प्रतिस्पर्धी अरुणकुमार श्रेष्ठले २८६ मत पाउनुभएको छ । युवा संयोजकमा डा. राजेन्द्रप्रसाद पराजुली बिजयी हुनुभएको छ । यसैगरी युरोप संयोजकमा अर्जुन श्रेष्ठ र एसिया प्रसान्त क्षेत्रीय संयोजकमा गंगा राई बिजयी हुनुभएको छ । सन् २००३ मा गैरआवासीय नेपाली संघ स्थापना भएयता पहिलोपटक निर्वाचन प्रकृयामार्फत अध्यक्ष चुनिएको हो । यसअघि सर्वसहमतिमा नेतृत्व अध्यक्ष चयन हुँदै आएको भएपनि अन्य पदमा भने मतदान भएको थियो । उम्मेदवारी दर्ता गरेको पाँचमध्ये हितमान गुरुङ, रामप्रताप थापा र रामेश्वर साहले घलेलाई समर्थन गर्दै आफ्नो उम्मेदवारी फिर्ता लिएका थिए ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक