(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20140108

"अहिलेसम्म कर्मचारीमाथि मात्रै भ्रष्टाचारका मुद्दा परेका छन् अब राजनीतिक दलहरुमा भएको भ्रष्टाचारलाई पनि हेरेर मुद्दा चलाउँछौं" : प्रमुख आयुक्त लोकमानसिंह कार्की

अख्तियार दरुपयोग अनुसन्धान आयोगका प्रमुख आयुक्त लोकमानसिंह कार्कीले अब राजनीतिक दल र तिनका नेताले गरेको भ्रष्टाचारबारे अनुसन्धान शुरु गर्ने बताउनुभएको छ । अख्तियार दुरुपयोग अनुसन्धान आयोग मध्यमाञ्चल क्षेत्रीय कार्यालय हेटौडाको बुधबार उद्घाटन गर्दै कार्कीले अहिलेसम्म कर्मचारीमाथि अनुसन्धान केन्द्रित गरेको भन्दै अब राजनीतिक क्षेत्रमा प्रवेश गर्ने बताउनुभयो । ‘अहिलेसम्म कर्मचारीमाथि मात्रै भ्रष्टाचारका मुद्दा परेका छन् अब राजनीतिक दलहरुमा भएको भ्रष्टाचारलाई पनि हेरेर मुद्दा चलाउँछौं’ उहाँले भन्नुभयो । राजनीतिक शक्तिको आडमा जे गरेपनि हुने परिपाटी बसेको भन्दै कार्कीले दलहरुकै आडमा आमहड्ताल, ठेक्कापट्टा र डन कल्चर मौलाएको दावी गर्नुभयो । स्थानीय निकायमा जनप्रतिनिधि नहुँदा भ्रष्टाचार बढेको पनि उहा“ले बताउनुभयो । मन्त्रीपरिषदले गरेका निर्णयहरुका बारेमा अख्तियारले छानबिन गर्न नपाउने नियम भएपछि मन्त्रालयमा गर्नुपर्ने निर्णयहरु पनि मन्त्रीपरिषदमा लैजाने गरिएको कार्कीले बताउनुभयो । देशका पाँच विकास क्षेत्रका क्षेत्रीय प्रशासक र डिआइजीहरुले मात्र राम्रो काम गरे ५० प्रतिशत घटेर अनियमितता घटेर जाने उहाँले बताउनुभयो । यसैबीच अख्तियार दरुपयोग अनुसन्धान आयोगले केही जिल्लामा आफ्ना इकाई
कार्यालय स्थापनाको तयारी गरेको छ । अख्तियारको कामलाई प्रभाबकारी रुपमा संचालन गर्नका लागि ईकाई कार्यालयहरु समेत स्थापना गर्न लागिएको आयोगका प्रमुख आयुक्त लोकमानसिह कार्कीले बताउनुभयो । अख्तियारले पाँचवटै बिकास क्षेत्रमा क्षेत्रीय कार्यालय खोलिसकेको छ ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक