(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20140607

सुनचाँदी ब्यवसायीहरुले सुरक्षाको जिम्मा लिएको प्रहरीबाट नै असुरिक्षत भएको गुनासो गरे !!!

- लक्ष्मण पौडेल 

भैरहवा । सुनचाँदी ब्यवसायीहरुले सुरक्षाको जिम्मा लिएको प्रहरीबाट नै असुरिक्षत भएको गुनासो गरेका छन् । लुम्बिनी अञ्चलमा प्रहरीले सुनचाँदी व्यवसायीलाई गाँजा, अफिमको व्यापार गर्ने व्यापारीलाई भन्दा बढी दुखः दिएको उनीहरुको आरोप छ । सुनचाँदी ब्यवसायीहरुले शनिबार भैरहवामा पत्रकार सम्मेलन गर्दै आफुहरु राज्यले तोकेको हरेक प्रक्रिया पुरा गरेर काम गर्दा पनि प्रहरीबाट नै सताइएको दाबी गरे । सुनचाँदी
व्यवसायी महासंघका उपाध्यक्ष प्रेमकुमार सेन्चुरीले कानुनसंगत रुपमा स्थानीय बजारमा सुनचाँदी खरिद बिक्री गर्दा समेत प्रहरीले व्यवसायीलाई दुःख दिएको बताउनुभयो । “नेपालभित्रै बिलविजक सहित खरिदबिक्री गर्दा पनि प्रहरीले विभिन्न अभियोग लगाई व्यवसायीलाई प्रताडित पारेका छन्, यसले ब्यवसायीहरु निरुत्साहित भएका छन्”–सेन्चुरीले भन्नुभयो । जेठ २० गते बुटवल अमरपथको बज्राचार्य आभुषण सेन्टरबाट इन्द्रपुजा सुनचाँदी पसल गल्याङ स्याङ्जाले २२ तोला सुन खरिद गरी लैजाँदै गर्दा पाल्पा प्रहरीले चोरी तस्करीको सुन भन्दै बरामद गरेको थियो । इन्द्रपुजा सुनचाँदीका कालीगढ ज्ञानबहादुर बि.क. र कुल बहादुर बिकले ११ लाख ३३ हजारमा बुटवलमा खरिद गरेको २२ तोला छापावाल सुन झोलामा राखी मोटरसाइकल मार्फत सुन सहित पाल्पा जाँदै गर्दा प्रहरीले पक्राउ गरेको हो । पत्रकार सम्मेलनमा कालीगढ ज्ञानबहादुरले प्रहरीले आफुहरुमाथि अमानवीय व्यवहार समेत गरेको बताउनुभयो । आफुहरुसँंग कानुन सम्मत तरिकाले खरिद गरेको सुन रहेता पनि फसाइएको सुन खरिदकर्ताले बताएका छन् । उनीहरुका अनुसार मंगलबार राति बिलबिजक सबै हेरेर प्रहरीले बुधवार बिहान ९ बजे छाडिदिने भनेको थियो । तर अर्कोदिन ८ बजेतिर नै पत्रकार सम्मेलन गरेर कानुनसम्मत सुन खरिद गरी आफ्नो पसलमा लैजाँदै गरेकोलाई तस्करी अभियोगमा राजस्व अनुसन्धानको हिरासतमा पठाएको उनीहरुले बताएका छन् । उनीहरुका अनुसार पाल्पाका डिएसपी शिव श्रेष्ठले अर्कोदिन छाडिदिने भनेका थिए । तर अर्कोदिन हाम्रा मान्छेहरु नआउँदै एक्कासी पत्रकार सम्मेलन गरेर खरिदकर्तालाई तस्कर घोषित गरिएको खरिदकर्ताहरुको भनाई छ । प्रहरी सहायक निरीक्षक गोविन्द न्यौपानेको कमाण्डमा खटिएको प्रहरी टोलीले लामीडाँडामा चेकजाँच गरेको थियो । पाल्पा प्रहरी प्रमुख श्रेष्ठले कमिसनको खेलमा सुनचाँदी व्यवसायीलाई तस्करीको अभियोगमा फसाउने प्रयास गरेको व्यवसायीको आरोप छ ।


No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक