(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20150621

प्रधानमन्त्रीको नेतृत्वमा नभई प्राधिकरणको नेतृत्व आफूले पाउनुपर्ने बताउँदै आएको एनेकपा माओवादी र बाबुराम भट्टराई ‘राष्ट्रिय पुनर्निर्माण प्राधिकरण’ बिरुद्ध खुलेरै बिरोधमा !

भुकम्प पीडितका नाममा कमाउने, एमाओबादी कार्यकर्ता पोस्ने र पार्टी बलियो बनाउन चाहने एमाओबादीका अगाडी अडान लिन सक्लान एमाले काङ्रेसहरु ??   
सरकारले प्रधानमन्त्री सुशील कोइरालाको अध्यक्षतामा ‘राष्ट्रिय पुनर्निर्माण प्राधिकरण’ गठन गर्ने भएको छ ।मन्त्रिपरिषद्को आइतबार बसेको बैठकले भूकम्पबाट क्षतिग्रस्त संरचना पुनर्निर्माण सम्वन्धी अध्यादेश-२०७२ पारित गरेको छ । राष्ट्रपति डा. रामवरण यादवले अध्यादेश अनुमोदन गरेपछि औपचारिक रुपमा प्राधिकरण गठनको बाटो खुल्नेछ ।अध्यादेश अनुुसार प्रधानमन्त्रीको अध्यक्षतामा राष्ट्रिय परामर्श समिति गठन हुनेछ । समितिमा प्रधानमन्त्रीले चार मन्त्री र तीन विज्ञलाई सदस्य तोक्नेछन् । राष्ट्रिय योजना आयोगको
उपाध्यक्ष र मुख्य सचिव पदेन सदस्य रहनेछन् ।राष्ट्रिय परामर्श समितिको माहतहतमा प्रमुख कार्यकारी अधिकृत नियुक्त गरिनेछ । उनले भने नायव कार्यकारी अधिकृत राख्न सक्नेछन् । यस्तै केन्द्रीय कार्यान्वयन कार्यालय स्थापना गरिनेछ ।
नीति निर्माण र अनुगमनका लागि संयन्त्र गठन गर्ने, पुनरावेदन (उजुरी)का लागि छुट्टै अदालत संयन्त्र बनाउने र विदेशी परामर्शदाताका लागि अलगै समिति रहने व्यवस्था गरिएको छ ।प्राधिकरणले सुरक्षा निकाय, निजामती प्रशासन, दातृ निकाय, निजी क्षेत्र लगायतसँग सहकार्य गरेर काम गर्नेछ । भूकम्पले क्षति पुर्‍याएका संरचनाहरुको पुनर्निर्माण गर्ने जिम्मेवारीसहित बनेको प्राधिकरण विद्यमान निकायभन्दा स्रोत साधन सम्पन्न हुनेछ ।सरकारले भूकम्पबाट क्षतिग्रस्त भएका संरचनाहरु पाँच वर्षभित्र पुनःनिर्माण गरिसक्ने र यसका लागि ६६६ अर्ब लाग्ने अनुमान छ । यसका लागि सहयोग जुटाउन सरकारले असार १० गते दाताहरुको सम्मेलन समेत आयोजना गर्दैछ । विपक्षी दल एकीकृत नेकपा माओवादीले भने अध्यादेशमा आफ्नो सहमति नभएको बताएको छ । एमाओवादीले प्रधानमन्त्रीको नेतृत्वमा नभई प्राधिकरणको नेतृत्व आफूले पाउनुपर्ने बताउँदै आएको थियो । एकीकृत नेकपा माओवादीका नेता एवं पूर्वप्रधानमन्त्री डा. बाबुराम भट्टराईले अधिकार सम्पन्न प्राधिकरण बनाउनुपर्नेमा मन्त्रीहरुको भीड राखेर गठन गरिएको संरचनाले पुनर्निर्माण गर्न नसक्ने ठोकुवा गरेका छन् ।
सरकारले प्रधानमन्त्रीको नेतृत्वमा प्राधिकरणच बनाउने गरी अध्यादेश ल्याएकै दिने आइतबार डा. भट्टराईले अनलाइनखबरसँग भने- ‘उहाँहरु सत्तामा हुनुहुन्छ, उहाँहरुले मन लागेको गर्न सक्नुहुन्छ तर, यसले नवनिर्माणको जनताको चाहना पूरा हुन सक्दैन ।’

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक