(संसारका १७५ देशमा पढिने, फोहोरी राजनीति
र छाडापनबाट
पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20160412

डाँडा माथिका डुब्नै लागेका घाम
हजुर बा, हजुर आमा, बा र आमा
पिंढीमा बसेर लहरे खोँकी खोँक्दै गर्दा
उपल्लाघरे बा स्वर्गे हुँदा पुरुष मलामी नपाएर
आमा दिदी बहिनी र भाउजुहरुले लाश बोक्दै गर्दा
म नाथे आफ्नो भबिस्यको उज्यालो खोज्दै
सात समुद्र पारी घण्टे जागीर घोक्दै गर्दा
फेरी आएछ अर्को नयाँ बर्ष !


खोइ कुन नाकले मैले शुभकामनाको श्वास फेरुँ ??
शब्द बिहिन जिब्रोलाई कुन शुभकामनाले बेरुँ ??
अन्धेरी नगर र चौपट राजाहरु कती र कहाँ कहाँ हेरुँ ??
जता पनि चौपट मात्र देखिरहेका मेरा नयनले
खोइ कसरी म सुख शान्ती र सम्पन्नताको कल्पना हेरुँ ??
"जिउँदो मुर्दा" बनेको म बबुरो !
खोइ कसरी नयाँ बर्षको शुभकामना केरुँ ??
बिबश लाचार र युद्ध हारेको सिपाही जस्तो
कौडीको मुल्यमा बेच्न राखिएको कवाडी जस्तो
मातृभूमी र सबै आफन्तजन छोडेर हिंड्न बिबश
कुनै मुल्य नभएको बस्तु
खोइ म कस्तो कस्तो !
यस्तो निरीह र निर्जिब जस्तो
तर प्राबिधिक रुपमा जिबित प्राणी कस्तो !
खोइ म कसरी दिउँ तिमीलाई नयाँ बर्षको शुभकामना ?
खोइ म कसरी लिउँ तिमीबाट नयाँ बर्षको शुभकामना ?
म आफै अन्यौलहरुमा हराइरहेको छु
तिमी मलाई सबै ठीक ठाक देख्छौ होला
तर म भित्र भित्रै कहराइरहेको छु ! कहराइरहेको छु !
- रामप्रसाद खनाल, हाल अमेरिका

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक