(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20161017

अनेसासको भर्खरै सम्पन्न निर्वाचनमा अध्यक्ष पद बाहेक सबै पदमा निर्बिरोध, अध्यक्ष पदमा पदम बिस्वकर्मा निर्बाचित !



अनेसासको भर्खरै सम्पन्न निर्वाचनमा अध्यक्ष पद बाहेक सबै पदमा निर्बिरोध निर्बाचित हुनुभएका सबै साथीहरुलाई हार्दिक बधाई । त्यसै गरी अध्यक्ष पदमा पदम बिस्वकर्मा जी र कमला प्रसाई जी निर्वाचन लड्नु भएकोमा पदमजी १४ भोट बढी ल्याएर निर्बाचित हुनुभयो । पदमजीले २९२ र कमलाजी ले २७८ भोट पाउनु भएछ निर्वाचन समितिको घोषणा अनुसार । निर्वाचन प्रक्रियामा गैसकेपछी निर्वाचनको नतिजालाई स्वीकार गर्नै पर्छ जुन कुरा मैले निर्वाचन अघि पनि दुबै पक्षलाई लिखित रुपमै राखिसकेको थिएँ । जसले जिते पनि त्यो अनेसासको जित हुनुपर्छ भनेको थिएँ । असाध्यै थोरै मत अर्थात १४ मतको अन्तरले हार जित भयो अध्यक्ष पदमा । तर पनि परिणाम सबैले आत्मसाथ गर्नै पर्छ । अध्यक्षमा बिजयी पदम जी लाई बधाई । म कमला बहिनी लाई पनि बधाई दिन चाहन्छु किन कि वहाँले जुन सम्मान जनक मत पाउनु भएको छ त्यो मतले पदम जी र वहाँको कार्य समितिलाई एउटा राम्रो सन्देश दिएको छ, केही पाठ सिकाएको पनि छ । बिगतका कमी कमजोरीलाइ औंला उठाएको पनि छ । म म भनेर बुझ्नुहोला आत्मसाथ गर्नुहोला । निर्वाचित अध्यक्ष पदम जी र कार्य समितिका सबै साथीहरुले यो कुरा मनन गर्दै कमला बहिनीलाई पनि ससम्मान जिम्मेवारीका साथ अगाडि लैजानुको बिकल्प छैन । पाखा लगाउने कोशीस भएमा २७८ आजिबन सदस्यको मतको अपमान हुने छ कमलाको मात्र होइन । हिजो सम्म के भयो त्यो बिर्सिंदै आज देखी अनेसास सबै एक मन भएर अगाडि बढाउन म सबै पक्ष सँग आग्रह गर्दछु । अब पनि झिना मसिना र बिबादका कुरा झिकेर, बखेडा झिकेर हामी अलमल हुनेहो भने २६ बर्षको जवान अनेसासलाई हामीले अगाडि बढाउन सक्ने छैनौँ । फेरि पनि अध्यक्ष पदमजी र कार्य समितिमा आएका साथीहरुलाई बधाई दिंदै अनेसास वाशिङ्टन डिसी मेट्रो कमिटीले उठाएका सवालहरु र पूर्व केन्द्रिय समितिले गरेका प्रतिबध्दता ३ महिना भित्रै व्याबहारिक रुपमा कार्यन्वयन भएको हेर्न हामी आत्तुर छौं । सबैको जय होस, अनेसासको पनि जय होस ।
- रामप्रसाद खनाल - अध्यक्ष
अन्तर्राष्ट्रिय नेपाली साहित्य समाज
वाशिङ्टन डिसी मेट्रो कमिटी
( हामीले निर्वाचन अघि के भनेका थियौँ मेरो स्टाटस तल हेर्न सक्नुहुन्छ ।)


No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक