(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20170127

गीत संगीत क्षेत्रकै एक जना "कलँक" प्रकाश ओझा १० वर्षको लागि जेल चलान !

गीत संगीत क्षेत्रकै एक जना "कलँक गायक" प्रकाश ओझालाई १० वर्षको जेल सजायको फैसला सुनाइएको छ । सर्वोच्च अदालतले गायक ओझालाई मानव बेचविखन तथा ओसारपसारको मुद्दामा १० वर्षको जेल सजाय सुनाएको हो । सर्वोच्चको फैसला कार्यन्वयनका क्रममा प्रहरीले उनलाई पक्राउ गरी जेल चलान गरेको छ । सर्वोच्चले पुनरावेदन अदालत विराटनगरको फैसला उल्टाएर फैसला गरेको हो । सुनसरी इटहरीका ओझालाई
सर्वोच्चले मानव बेचविखन तथा ओसारपसारको दुई मुद्धामा माघ पहिलो साता नै ५–५ गरी १० वर्ष जेल सजाय सुनाएको थियो तर यो फैसला हालसम्म सार्वजनिक भएको थिएन । फैसला लगतै फरार भएका ओझालाई शंखमुलमा लुकेर बसेको अवस्थामा नेपाल प्रहरी केन्द्रीय अनुसन्धान ब्यूरो सीआईबीको टोलीले पक्राउ गरेको हो । प्रहरीका अनुसार उनी लुकिछिपी गीत संगीत रेकर्डिङको काम गर्दै आएका थिए । शुक्रबार नै काठमाडौं जिल्ला अदालतमा पेश गरिएको ओझालाई फैसला कार्यान्वयनका लागि केन्द्रीय कारागार सुन्धारा चलान गरिएको प्रहरीले बताएको छ । गायक तथा हास्य कलाकार ओझा ०५९ को यौनकाण्डमा दोषी ठहर भएका हुन् । ओझाले ज्योति खड्कालाई नायिका बनाउने प्रलोभन देखाएर शारीरिक सम्वन्ध राखेका थिए । उनले त्यसको तस्वीर तथा भिडियो बनाएर सार्वजनिक समेत गरेका थिए । उनले ०५९ सालदेखि लगातार २ वर्षसम्म डरत्रास देखाएर तीन बालबालिकासँग समेत अनैतिक सम्वन्ध राखेको र अश्लिल तस्वीर तथा भिडियो खिचेका थिए । त्यही तस्वीर र भिडियो देखाएर उनले पटक पटक यौन शोषण र अप्राकृतिक मैथुन गरेको र तस्वीरहरु वेबसाइटमा राखेर बेच्ने प्रयास गरेको सर्वोच्चको ठहर छ । यो घटनाकी पीडित जेसिका (ज्योति) खड्काले झण्डै दुई वर्ष अघि आत्महत्या गरेकी थिइन् ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक