20190321

विश्व कविता दिवस रे, खै के लेखुँ कविता !!

Image may contain: Ram Prasad Khanal, closeupतेत्तिस कोटि देवी देवताहरू
ढुङ्गामा सीमित भए पछि
साँढे चढेर हिँडेका पशुपति
कुन्नि कता हो कता गए पछि
उजाड मन्दिरहरूमा आजकल
घण्टहरू एकोहोरो मात्र बजिरहन्छन्
दर्शनार्थीहरु भजन भजिरहन्छन
तर कुनै अत्तोपत्तो छैन
देवी देवताहरूको !
अलि पर देखिन्छ
राक्षसहरू अट्टहास हाँसिरहेका
दुर्जनहरु उनीहरूसँग टाँसीईरहेका
खै किन हो कुन्नि सज्जनहरू पनि
दुर्जनहरु सँगै गाँसीईरहेका
त्यसैले होला मुड चलेको छैन
खै के लेखुँ कविता !!
कविता न सबिता
बरु मलाई
मस्त निद्रामा सुत्न देऊ
मुर्दा शान्ति मै सही
मलाई घुरेर सुत्न देऊ
मलाई मुर्दा झैँ सुत्न देऊ
लेख तिमीहरू नै कविता
लेख जे जे मन लाग्छ लेख
देख जे जे मन लाग्छ सपना देख
म आजकल
सपना देख्न छाडी सकेको छु
कविता लेख्ने कलमहरू
परदेशका दल दलहरूमा
गाडी सकेको छु, गाडी सकेको छु !
- रामप्रसाद खनाल, विश्व कविता दिवस, मार्च २१, २०१९,  हाल अमेरिका    

  
 
     

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक