भारतको छत्तिसगढमा माओवादी चरमपन्थी आक्रमणमा भारतीय जनता पार्टी (भाजपा) का एक विधायकसहित पाँच जनाको मृत्यु

२०५२ सालदेखी शुरु भएको नेपालको माओवादी युध्दको जन्मदाता, पालक, पोसक, निर्देशक भन्दै आरोप लाग्दै आएको भारतले अहिले आफै माओवादी आतंकको सामना गरिरहेको छ । भारतको छत्तिसगढमा माओवादी चरमपन्थी आक्रमणमा भारतीय जनता
पार्टी (भाजपा) का एक विधायकसहित पाँच जनाको मृत्यु भएको छ । मृत्यु हुनेमा विधेयक भीमा मान्डवी, उनका ड्राइभर र तीन सुरक्षाकर्मी छन् । दन्तेवडा जिल्लाको श्यामगिरी पहाडमा पर्ने दन्तेवाडा सुकमा रोडको नकुलनार भन्ने स्थानमा आक्रमण भएको डीआईजी पी सुन्दरराजले जानकारी दिए । प्रहरीका अनुसार बन्दुकधारीले विधयकको टोलीमाथि आक्रमण गर्नुका साथै गाडीमा बम हानेको थियो । विस्फोटमा बुलेटप्रुफ गाडी क्षतविक्षत भएको छ । दन्तेवाडामा ११ अप्रिलमा पहिलो चरणको चुनाव हुँदैछ । यो आक्रमण चुनाव प्रचारको अन्तिम दिनमा भएको हो ।
*********************************************