लोकतन्त्र, गणतन्त्र र संघियता पूर्ण असफल भएको बताउँदै बुटवलमा कोरोना कहरमा पनि यसरी भयो प्रदर्शन, जनताको धैर्यताको बाँध यसरी टुट्दैछ !

 

बुटवल । हिन्दु राज्य र राजा सहितको प्रजातन्त्र माग गर्दै सोमबार बुटवलमा प्रदर्शन भएको छ । वीर गोर्खाली समूहको आयोजनामा रूपन्देहीको मणिग्रामवाट सुरु भएको मोटरसाइकल ¥याली बुटवलको ट्राफिक चोकमा आएर कोण सभामा परिणत भएको थियो । कोण सभामा सहभागीहरुले संबैधानिक राजतन्त्र र हिन्दु राज्य हुँदा मात्रै मुलुकको बिकास हुने बताए । कार्यक्रममा अहिलेका चर्चित राष्ट्रबादी अभियन्ता डिल्लीराम खनाल लगायतका बक्ताले लोकतन्त्र, गणतन्त्र र संघियता पूर्ण असफल भएको बताउँदै राजा फर्काउनुको कुनै बिकल्प छैन भन्नुभयो ।     
प्रदर्शनमा सहभागीहरुले गणतन्त्रको नाममा नेताहरुले जनतालाई आश्वासन मात्रै दिएको आरोप लगाए । गणतन्त्रपछिका सरकारले भ्रष्टाचार र बेथिती बढाएको, सघियता नेपालको लागि सुहाउदो नभएकोे उनीहरुको भनाइ छ । प्रदर्शनमा सहभागीहरुले राजतन्त्रको पक्षमा नारावाजी समेत गरेका थिए ।