भाग बिलो लगायौ आखिर
लगाउनै नहुने त्यहाँ पनि....,
र त्यो पनि !
खसी बोकाको मासु,
बिलो लगाए जसरी गाउँमा !
दियौ पनि
लियौ पनि
पायौ पनि
खायौ पनि
लयौ पनि
भयौ पनि
गयौ पनि
एकाएक,
हैजा सुरु भैसकेको छ गाउँमा अहिले
भाग पाउने लखतरान छन्
गर्छन् आँगनको डिलमा बसेर
उक्क उक्क !
गर्दा गर्दा बान्ता,
आउँछ तितो पानी मात्र मुखमा
आन्द्रा भुँडी निस्केला जस्तो
अहो नसोध
औषधीले काम गर्न छोडेको छ अहिले
तर,
भाग बिलो लाउने
पाउने
खाने
जाने
लाने
यिनीहरूलाई लाग्नु पर्ने हैजा
एक जनालाई मात्र लागेको छ अहिले सम्म
फैलिन बाँकी छ गाउँमा अझै
सुरुवात मात्र भएको छ एक ठाउँमा
लौन हैजा,
आइज यिनीहरूलाई लैजा !
किनकि बँचाउनु छ सिङ्गो गाउँ
हैजाको महामारीबाट !
- रामप्रसाद खनाल, अक्टोबर २६, २०२१
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक