अफगानिस्तानमा तालिवानले विदेशी मुद्राको प्रयोगमा प्रतिबन्ध लगाए, आदेश उलंघन गर्नेलाई कारबाही

 अफगानिस्तानमा तालिवानले विदेशी मुद्राको प्रयोगमा प्रतिबन्ध लगाएको छ । देशको आर्थिक अवस्था र राष्ट्रिय हितका लागि भन्दै तालिवानले अफगानी मुद्रा प्रयोग गर्न निर्देशन दिएको बीबीसीले जनाएको छ । अफगानिस्तानको बजारमा व्यापक रुपमा अमेरिकी डलरको प्रयोग हुदैं आएको छ । सबै लेनदेनहरु गर्न र विदेशी मुद्रा प्रयोग नगर्न निर्देशन दिइएको छ । आदेश उलंघन गर्नेलाई कारबाहीको दायरामा ल्याइने

समेत तालिवानले चेतावनी दिएको छ । अफगानिस्तानको अर्थतन्त्र तालिवानको नयाँ कदमले थप धराशायी बन्ने विश्लेषण गरिएको छ । तालिवानले सत्ता कब्जामा लिएपछि अफगानिस्तानमा अन्तराष्ट्रिय आर्थिक सहयोग फिर्ता भएको छ, जसका कारण अर्थतन्त्र संकटमा परेको छ ।