गोमन सर्पहरू पनि !
देख्छु म जब तिनीहरूलाई
भुईँमा बल्ल तल्ल घिस्रिँदै गरेका
लाग्छ ओहो कति आपत होला,
बिचरा यिनीहरूलाई,
न समाउने हातहरू छन्
न टेक्ने खुट्टाहरू
गिद्धहरू घुमिरहेका छन् आकाशमा
शिकारको खोजीमा
जीवन जोखिममा छ यिनको
दया लाग्छ
माया लाग्छ
अबोध ती छेङ्गुलेहरुको
अनि समाउन मन लाग्छ
कोमल हातहरूले बिस्तारै बिस्तारै
सिनित्त परेको शरीर
लिन मन लाग्छ काखमा
स्पर्श दिन मन लाग्छ मायाको
खुवाइ रहन मन लाग्छ दूध
बिहान साँझ, बारम्बार
खुवाउँदै गयो
बित्दै जान्छन् दिनहरू
बित्दै जान्छन् रातहरू
छेङ्गुले सर्पहरू
बढ्दै जान्छन् हर्लक्क
एक बित्ताका छेङ्गुले सर्पहरू
पुग्छन् पाँच सात हात सम्म
अनि उठाउन थाल्छन् टाउको
जेल्न थाल्छन् खुट्टाहरू
ठुङ्न शुरु गर्छन् स्वाँ स्वाँ गर्दै
गाड्छन् दाँतहरु
छोड्छन् विष
अनि बल्ल खुल्छन् आँखाहरु
गोमन सर्प पाल्ने म र म जस्तै हरुका
अनि डौदिनु पर्छ झार्न विष
क्लिनिक र अस्पतालहरू तिर
बेलैमा उपचार नपाए जान सक्छ ज्यान
त्यसैले सर्पहरू सँग टाढै रहेको राम्रो
गोमन सर्पहरू सँग त झन टाढै रहेको राम्रो
बारम्बार डसिए पछि
आजकल म सचेत हुन थालेको छु
विषालु सर्पहरू सँग
गोमन सर्पहरू सँग !
- रामप्रसाद खनाल
May 04, 2022
अरु समाचार र बिचार हेर्न तलको लिँक क्लिक गर्नुहोस ।
GO TO HOME PAGE
click on this logo for home page
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक