सानालाई ऐन, ठुला लाई चयन : रु पाँच हजारसहित नियन्त्रणमा लिइएका प्लम्बर गणेशबहादुर खुलालविरुद्ध अख्तियार दुरुपयोग अनुसन्धान आयोगद्वारा विशेष अदातलमा मुद्दा दर्ता, वाह अख्तियार तिम्रो लीला पनि अपरम्पार छ !

 सानालाई ऐन, ठुला लाई चयन दिँदै आएको अख्तियार दुरुपयोग अनुसन्धान आयोगको कार्यालय टङ्गालले घूससहित पक्राउ परेका सिनियर प्लम्बर गणेशबहादुर खुलालविरुद्ध आज विशेष अदातलमा मुद्दा दर्ता गरेको छ । काठमाडौँ उपत्यका खानेपानी लिमिटेड, महाङ्कालचौर शाखामा कार्यरत खुलालले खानेपानी धारा जडानका लागि सेवाग्राहीसँग घूस मागेको भन्ने उजुरीका आधारमा आयोगको टोलीले गत साउन ३१ गते रु पाँच हजारसहित नियन्त्रणमा लिएको थियो ।

अनुसन्धानको सिलसिलामा खुलालले खानेपानीको धारा जडान गरेबापत सेवाग्राहीसँग घूस माग गरेको पुष्टि हुन आएको भन्दै आज मुद्दा दर्ता गरिएको आयोगका प्रवक्ता श्यामप्रसाद भण्डारीले जानकारी दिनुभयो । आयोगले खुलालविरुद्ध भ्रष्टाचार निवारण ऐन, २०५९ को दफा ३ को उपदफा (१) मा उल्लेख भए अनुसारको कसुर भएकाले बिगो रु पाँच हजार कायम गरी भ्रष्टाचार निवारण ऐन, २०५९ अनुसार अधिकतम सजायको मागदाबी गरेको छ ।

अर्बौं खर्बौं खाने, देश कङ्गाल बनाउने भ्रस्टहरुलाई नछुने, छोए पनि चोख्याउने तर पाँच हजार खाने एउटा सामान्य प्लम्बर लाई तुरुन्त मुद्दा दर्ता ! वाह अख्तियार तिम्रो लीला पनि अपरम्पार छ !!

अरु समाचार र बिचार हेर्न तलको लिँक क्लिक गर्नुहोस ।

 NepalMother.com

GO TO HOME PAGE

click on this logo for home page