भारतको गुजरातस्थित मच्छु नदीमा बनेको झलुंगे पुल भाँचिदा मृत्यु हुनेको संख्या १ सय ३२, १९ जना घाइतेलाई उपचारका लागि अस्पताल, घटनाको छानविनका लागी टोली गठन

 भारतको गुजरातस्थित मच्छु नदीमा बनेको झलुंगे पुल भाँचिदा मृत्यु हुनेको संख्या १ सय ३२ पुगेको छ । घटना लगत्तै ६८ जनाको र आज बिहानसम्म अन्य शवहरु समेत फेला पर्दा ज्यान गुमाउनेको संख्या १ सय ३२ पुगेको गुजरातका गृहमन्त्री हर्ष संभागीलाई उद्धत गर्दै अलजजिराले जनाएको छ । घटनामा १ सय ७७ जनालाई उद्धार गरिएको छ । जसमध्ये १९ जना घाइतेलाई उपचारका लागि अस्पताल लगिएको छ । गुजरातको मुख्य शहरभन्दा २ सय किलोमिटर पर रहेको झोलुङले पुल भाँचिएको हो । ब्रिटिस साम्राज्यका बेला १९ औं शताब्दीमा निर्मित सो पुल पुन: निर्माण पछि गत साता मात्र सर्वसाधारणका लागि खुला गरिएको थियो ।गुजरात सरकारले पुल मर्मत पछि पनि दुर्घटनामा परेको घटनाको छानविनका लागी टोली गठन गरेको छ ।