चिनियाँ राष्ट्रपति सी चिन फिङले राष्ट्रिय जन कांग्रेस स्थायी समितिको निर्णयानुसार विभिन्न १० देशका लागि नयाँ राजदूत नियुक्त

 चिनियाँ राष्ट्रपति सी चिन फिङले राष्ट्रिय जन कांग्रेस स्थायी समितिको निर्णयानुसार विभिन्न १० देशका लागि नयाँ राजदूत नियुक्त गर्नुभएको छ । नवनियुक्त राजदूतहरूमा नेपालका लागि चेन सोङ नियुक्त हुनुभएको छ । त्यसैगरी सिरियाका लागि शि होङवेई, ट्युनिसियाका लागि वान ली, मध्य अफ्रिकी गणतन्त्रका लागि ली छिन्फेङ, सियरा लियोनका लागि वाङ छिङलाई राजदूत नियुक्त गरिएको छ । यस्तै, नामिबियाका लागि झाओ वेपिङ, नर्वेका लागि होउ युलाई नयाँ राजदूत नियुक्त गरिएको छ । यसैगरी इटाली र सान मारिनोका लागि जिया गाइडलाई, फिजीका लागि झोउ जियान र एल साल्भाडोरका झाङ यानहुईलाई राजदूत नियुक्त गरिएको छ ।