पहिला पहिला हुँदा पुरानो नेपाल,
चिनिन्थ्यो सगरमाथाको देश भनेर
शान्तिका अग्रदूत बुद्धको जन्मभूमि भनेर
एक मात्र हिन्दु अधिराज्य र शान्ति क्षेत्र भनेर
अहिलेको नयाँ नेपाल, अग्रगामी नयाँ नेपाल
सङ्घीयता सहितको लोकतान्त्रिक, गणतान्त्रिक
कुन्नि के के तान्त्रिक नेपाल बनाएका छन् !
पहिलाको त्यस्तो नेपाल अहिलेको यस्तो नेपाल,
चिनिन्छ रुखमा चढेर क्रिकेट हेर्ने नेपाल भनेर
मार्क्स, लेनिन, माओका चेलाहरूको नेपाल भनेर
शासन सत्ता चल्छ उनीहरूकै अनुयायी बनेर
मार्ने, मराउने, टाउकाको मूल्य तोक्ने, तोकाउने
पालै पालो यता र उता गर्दै भारी बोक्ने, बोकाउने
सत्र हजारको चिहानमा दिउँसै आत्माहरू रुन्छन्
चिच्याउँछन्, न्याय देऊ भन्छन्, रुवाबासी चल्छन्
जे सुकै होस, जस्तो सुकै होस
उनीहरू मै मत्ता हात्ती बनेर शासन गर्छन्
यती बिघ्न हुँदा पनि जनता चुप्प लाग्दै उत्तानो पर्छन् !
- रामप्रसाद खनाल, March 17, 2023
अरु समाचार र बिचार हेर्न तलको लिँक क्लिक गर्नुहोस ।
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक