रुसले दाबी गरेको सम्पूर्ण क्षेत्रमा युक्रेनले आत्मसमर्पण गरेमात्रै युद्ध अन्त्य गर्ने राष्ट्रपति भ्लादिमिर पुटिनले बताए !

 रुसले दाबी गरेको सम्पूर्ण क्षेत्रमा युक्रेनले आत्मसमर्पण गरेमात्रै युद्ध अन्त्य गर्ने राष्ट्रपति भ्लादिमिर पुटिनले बताएका छन । राष्ट्रपति पुटिनले युक्रेनी अन्य भूभागलाई समेत गाभिने बताए । नेटोमा सामेल हुने युक्रेनी राष्ट्रपति भोलोदिमिर जेलेन्स्कीले आफ्नो निर्णयमा पुर्नविचार गर्नुपर्नेमा समेत पुटिनले जोड दिए । रुसले युक्रेन विरुद्धको युद्ध अन्त्यका लागि आफ्ना सर्तहरुलाई थप कडाईका साथ प्रस्तुत गरेको छ । पश्चिमी देशले गरेको प्रतिबन्धले रुसको अर्थतन्त्रलाई प्रभाव पारे पनि अपागंता नै भने नबनाएको राष्ट्रपति पुटिनको भनाई छ । स्विस शान्ति सम्मेलनको अघिल्लो दिन राष्ट्रपति पुटिनको यस्तो भनाई आएको हो । सो सम्मेलनमा करिब सय देशका प्रतिनिधिहरुको सहभागिता छ । सम्मेलनमा रुसलाई भने आमन्त्रण गरिएको छैन ।